  | ŽalmyBiblia - Sväté písmo(HEM - Hebrejský - Moderný) | Ž 30, 1-12 |
1 Ž 30, 1 מזמור שיר חנכת הבית לדוד ארוממך יהוה כי דליתני ולא שמחת איבי לי׃ 2 Ž 30, 2 יהוה אלהי שועתי אליך ותרפאני׃ 3 Ž 30, 3 יהוה העלית מן שאול נפשי חייתני מיורדי בור׃ 4 Ž 30, 4 זמרו ליהוה חסידיו והודו לזכר קדשו׃ 5 Ž 30, 5 כי רגע באפו חיים ברצונו בערב ילין בכי ולבקר רנה׃ 6 Ž 30, 6 ואני אמרתי בשלוי בל אמוט לעולם׃ 7 Ž 30, 7 יהוה ברצונך העמדתה להררי עז הסתרת פניך הייתי נבהל׃ 8 Ž 30, 8 אליך יהוה אקרא ואל אדני אתחנן׃ 9 Ž 30, 9 מה בצע בדמי ברדתי אל שחת היודך עפר היגיד אמתך׃ 10 Ž 30, 10 שמע יהוה וחנני יהוה היה עזר לי׃ 11 Ž 30, 11 הפכת מספדי למחול לי פתחת שקי ותאזרני שמחה׃ 12 Ž 30, 12 למען יזמרך כבוד ולא ידם יהוה אלהי לעולם אודך׃
| | | Ž 30, 1-12 |
Verš 4
זמרו ליהוה חסידיו והודו לזכר קדשו׃
Ž 97:12 - שמחו צדיקים ביהוה והודו לזכר קדשו׃
Z 30,12 - Rúcho pokánia a smútku - "vrecovina, zrebné vrece, žinenka" (hebr. šaq).
