Žalmy

1 (HEM) מזמור לדוד הבו ליהוה בני אלים הבו ליהוה כבוד ועז׃
1 (WLC) מִזְמֹ֗ור לְדָ֫וִ֥ד הָב֣וּ לַֽ֭יהוָה בְּנֵ֣י אֵלִ֑ים הָב֥וּ לַ֝יהוָ֗ה כָּבֹ֥וד וָעֹֽז׃
1 (RIV) Salmo di Davide. Date all’Eterno, o figliuoli de’ potenti, date all’Eterno gloria e forza!

2 (HEM) הבו ליהוה כבוד שמו השתחוו ליהוה בהדרת קדש׃
2 (WLC) הָב֣וּ לַֽ֭יהוָה כְּבֹ֣וד שְׁמֹ֑ו הִשְׁתַּחֲו֥וּ לַ֝יהוָ֗ה בְּהַדְרַת־קֹֽדֶשׁ׃
2 (RIV) Date all’Eterno la gloria dovuta al suo nome; adorate l’Eterno, con santa magnificenza.

3 (HEM) קול יהוה על המים אל הכבוד הרעים יהוה על מים רבים׃
3 (WLC) קֹ֥ול יְהוָ֗ה עַל־הַ֫מָּ֥יִם אֵֽל־הַכָּבֹ֥וד הִרְעִ֑ים יְ֝הוָ֗ה עַל־מַ֥יִם רַבִּֽים׃
3 (RIV) La voce dell’Eterno è sulle acque; l’Iddio di gloria tuona; l’Eterno è sulle grandi acque.

4 (HEM) קול יהוה בכח קול יהוה בהדר׃
4 (WLC) קֹול־יְהוָ֥ה בַּכֹּ֑חַ קֹ֥ול יְ֝הוָ֗ה בֶּהָדָֽר׃
4 (RIV) La voce dell’Eterno è potente, la voce dell’Eterno è piena di maestà.

5 (HEM) קול יהוה שבר ארזים וישבר יהוה את ארזי הלבנון׃
5 (WLC) קֹ֣ול יְ֭הוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הוָ֗ה אֶת־אַרְזֵ֥י הַלְּבָנֹֽון׃
5 (RIV) La voce dell’Eterno rompe i cedri; l’Eterno spezza i cedri del Libano.

6 (HEM) וירקידם כמו עגל לבנון ושרין כמו בן ראמים׃
6 (WLC) וַיַּרְקִידֵ֥ם כְּמֹו־עֵ֑גֶל לְבָנֹ֥ון וְ֝שִׂרְיֹ֗ן כְּמֹ֣ו בֶן־רְאֵמִֽים׃
6 (RIV) Fa saltellare i monti come vitelli, il Libano e il Sirio come giovani bufali.

7 (HEM) קול יהוה חצב להבות אש׃
7 (WLC) קֹול־יְהוָ֥ה חֹצֵ֗ב לַהֲבֹ֥ות אֵֽשׁ׃
7 (RIV) La voce dell’Eterno fa guizzare fiamme di fuoco.

8 (HEM) קול יהוה יחיל מדבר יחיל יהוה מדבר קדש׃
8 (WLC) קֹ֣ול יְ֭הוָה יָחִ֣יל מִדְבָּ֑ר יָחִ֥יל יְ֝הוָ֗ה מִדְבַּ֥ר קָדֵֽשׁ׃
8 (RIV) La voce dell’Eterno fa tremare il deserto; l’Eterno fa tremare il deserto di Cades.

9 (HEM) קול יהוה יחולל אילות ויחשף יערות ובהיכלו כלו אמר כבוד׃
9 (WLC) קֹ֤ול יְהוָ֨ה ׀ יְחֹולֵ֣ל אַיָּלֹות֮ וַֽיֶּחֱשֹׂ֪ף יְעָ֫רֹ֥ות וּבְהֵיכָלֹ֑ו כֻּ֝לֹּ֗ו אֹמֵ֥ר כָּבֹֽוד׃
9 (RIV) La voce dell’Eterno fa partorire le cerve e sfronda le selve. E nel suo tempio tutto esclama: Gloria!

10 (HEM) יהוה למבול ישב וישב יהוה מלך לעולם׃
10 (WLC) יְ֭הוָה לַמַּבּ֣וּל יָשָׁ֑ב וַיֵּ֥שֶׁב יְ֝הוָ֗ה מֶ֣לֶךְ לְעֹולָֽם׃
10 (RIV) L’Eterno sedeva sovrano sul diluvio, anzi l’Eterno siede re in perpetuo.

11 (HEM) יהוה עז לעמו יתן יהוה יברך את עמו בשלום׃
11 (WLC) יְֽהוָ֗ה עֹ֖ז לְעַמֹּ֣ו יִתֵּ֑ן יְהוָ֓ה ׀ יְבָרֵ֖ךְ אֶת־עַמֹּ֣ו בַשָּׁלֹֽום׃
11 (RIV) L’Eterno darà forza al suo popolo; l’Eterno benedirà il suo popolo dandogli pace.