Žalmy

1 ----
1 (HEM) לדוד אליך יהוה נפשי אשא׃

2 ----
2 (HEM) אלהי בך בטחתי אל אבושה אל יעלצו איבי לי׃

3 ----
3 (HEM) גם כל קויך לא יבשו יבשו הבוגדים ריקם׃

4 ----
4 (HEM) דרכיך יהוה הודיעני ארחותיך למדני׃

5 ----
5 (HEM) הדריכני באמתך ולמדני כי אתה אלהי ישעי אותך קויתי כל היום׃

6 ----
6 (HEM) זכר רחמיך יהוה וחסדיך כי מעולם המה׃

7 ----
7 (HEM) חטאות נעורי ופשעי אל תזכר כחסדך זכר לי אתה למען טובך יהוה׃

8 ----
8 (HEM) טוב וישר יהוה על כן יורה חטאים בדרך׃

9 ----
9 (HEM) ידרך ענוים במשפט וילמד ענוים דרכו׃

10 ----
10 (HEM) כל ארחות יהוה חסד ואמת לנצרי בריתו ועדתיו׃

11 ----
11 (HEM) למען שמך יהוה וסלחת לעוני כי רב הוא׃

12 ----
12 (HEM) מי זה האיש ירא יהוה יורנו בדרך יבחר׃

13 ----
13 (HEM) נפשו בטוב תלין וזרעו יירש ארץ׃

14 ----
14 (HEM) סוד יהוה ליראיו ובריתו להודיעם׃

15 ----
15 (HEM) עיני תמיד אל יהוה כי הוא יוציא מרשת רגלי׃

16 ----
16 (HEM) פנה אלי וחנני כי יחיד ועני אני׃

17 ----
17 (HEM) צרות לבבי הרחיבו ממצוקותי הוציאני׃

18 ----
18 (HEM) ראה עניי ועמלי ושא לכל חטאותי׃

19 ----
19 (HEM) ראה אויבי כי רבו ושנאת חמס שנאוני׃

20 ----
20 (HEM) שמרה נפשי והצילני אל אבוש כי חסיתי בך׃

21 ----
21 (HEM) תם וישר יצרוני כי קויתיך׃

22 ----
22 (HEM) פדה אלהים את ישראל מכל צרותיו׃