Žalmy

1 ----
1 (HEM) למנצח מזמור לדוד השמים מספרים כבוד אל ומעשה ידיו מגיד הרקיע׃

2 ----
2 (HEM) יום ליום יביע אמר ולילה ללילה יחוה דעת׃

3 ----
3 (HEM) אין אמר ואין דברים בלי נשמע קולם׃

4 ----
4 (HEM) בכל הארץ יצא קום ובקצה תבל מליהם לשמש שם אהל בהם׃

5 ----
5 (HEM) והוא כחתן יצא מחפתו ישיש כגבור לרוץ ארח׃

6 ----
6 (HEM) מקצה השמים מוצאו ותקופתו על קצותם ואין נסתר מחמתו׃

7 ----
7 (HEM) תורת יהוה תמימה משיבת נפש עדות יהוה נאמנה מחכימת פתי׃

8 ----
8 (HEM) פקודי יהוה ישרים משמחי לב מצות יהוה ברה מאירת עינים׃

9 ----
9 (HEM) יראת יהוה טהורה עומדת לעד משפטי יהוה אמת צדקו יחדו׃

10 ----
10 (HEM) הנחמדים מזהב ומפז רב ומתוקים מדבש ונפת צופים׃

11 ----
11 (HEM) גם עבדך נזהר בהם בשמרם עקב רב׃

12 ----
12 (HEM) שגיאות מי יבין מנסתרות נקני׃

13 ----
13 (HEM) גם מזדים חשך עבדך אל ימשלו בי אז איתם ונקיתי מפשע רב׃

14 ----
14 (HEM) יהיו לרצון אמרי פי והגיון לבי לפניך יהוה צורי וגאלי׃