  | ŽalmyBiblia - Sväté písmo(HEM - Hebrejský - Moderný) | Ž 17, 1-15 |
1 Ž 17, 1 תפלה לדוד שמעה יהוה צדק הקשיבה רנתי האזינה תפלתי בלא שפתי מרמה׃ 2 Ž 17, 2 מלפניך משפטי יצא עיניך תחזינה מישרים׃ 3 Ž 17, 3 בחנת לבי פקדת לילה צרפתני בל תמצא זמתי בל יעבר פי׃ 4 Ž 17, 4 לפעלות אדם בדבר שפתיך אני שמרתי ארחות פריץ׃ 5 Ž 17, 5 תמך אשרי במעגלותיך בל נמוטו פעמי׃ 6 Ž 17, 6 אני קראתיך כי תענני אל הט אזנך לי שמע אמרתי׃ 7 Ž 17, 7 הפלה חסדיך מושיע חוסים ממתקוממים בימינך׃ 8 Ž 17, 8 שמרני כאישון בת עין בצל כנפיך תסתירני׃ 9 Ž 17, 9 מפני רשעים זו שדוני איבי בנפש יקיפו עלי׃ 10 Ž 17, 10 חלבמו סגרו פימו דברו בגאות׃ 11 Ž 17, 11 אשרינו עתה סבבוני עיניהם ישיתו לנטות בארץ׃ 12 Ž 17, 12 דמינו כאריה יכסוף לטרוף וככפיר ישב במסתרים׃ 13 Ž 17, 13 קומה יהוה קדמה פניו הכריעהו פלטה נפשי מרשע חרבך׃ 14 Ž 17, 14 ממתים ידך יהוה ממתים מחלד חלקם בחיים וצפינך תמלא בטנם ישבעו בנים והניחו יתרם לעולליהם׃ 15 Ž 17, 15 אני בצדק אחזה פניך אשבעה בהקיץ תמונתך׃
| | | Ž 17, 1-15 |
