Žalmy

1 ----
1 (HEM) תהלה לדוד ארוממך אלוהי המלך ואברכה שמך לעולם ועד׃

2 ----
2 (HEM) בכל יום אברכך ואהללה שמך לעולם ועד׃

3 ----
3 (HEM) גדול יהוה ומהלל מאד ולגדלתו אין חקר׃

4 ----
4 (HEM) דור לדור ישבח מעשיך וגבורתיך יגידו׃

5 ----
5 (HEM) הדר כבוד הודך ודברי נפלאותיך אשיחה׃

6 ----
6 (HEM) ועזוז נוראתיך יאמרו וגדולתיך אספרנה׃

7 ----
7 (HEM) זכר רב טובך יביעו וצדקתך ירננו׃

8 ----
8 (HEM) חנון ורחום יהוה ארך אפים וגדל חסד׃

9 ----
9 (HEM) טוב יהוה לכל ורחמיו על כל מעשיו׃

10 ----
10 (HEM) יודוך יהוה כל מעשיך וחסידיך יברכוכה׃

11 ----
11 (HEM) כבוד מלכותך יאמרו וגבורתך ידברו׃

12 ----
12 (HEM) להודיע לבני האדם גבורתיו וכבוד הדר מלכותו׃

13 ----
13 (HEM) מלכותך מלכות כל עלמים וממשלתך בכל דור ודור׃

14 ----
14 (HEM) סומך יהוה לכל הנפלים וזוקף לכל הכפופים׃

15 ----
15 (HEM) עיני כל אליך ישברו ואתה נותן להם את אכלם בעתו׃

16 ----
16 (HEM) פותח את ידך ומשביע לכל חי רצון׃

17 ----
17 (HEM) צדיק יהוה בכל דרכיו וחסיד בכל מעשיו׃

18 ----
18 (HEM) קרוב יהוה לכל קראיו לכל אשר יקראהו באמת׃

19 ----
19 (HEM) רצון יראיו יעשה ואת שועתם ישמע ויושיעם׃

20 ----
20 (HEM) שומר יהוה את כל אהביו ואת כל הרשעים ישמיד׃

21 ----
21 (HEM) תהלת יהוה ידבר פי ויברך כל בשר שם קדשו לעולם ועד׃