Žalmy

Biblia - Sväté písmo

(HEM - Hebrejský - Moderný)

Ž 104, 1-35

1 ברכי נפשי את יהוה יהוה אלהי גדלת מאד הוד והדר לבשת׃ 2 עטה אור כשלמה נוטה שמים כיריעה׃ 3 המקרה במים עליותיו השם עבים רכובו המהלך על כנפי רוח׃ 4 עשה מלאכיו רוחות משרתיו אש להט׃ 5 יסד ארץ על מכוניה בל תמוט עולם ועד׃ 6 תהום כלבוש כסיתו על הרים יעמדו מים׃ 7 מן גערתך ינוסון מן קול רעמך יחפזון׃ 8 יעלו הרים ירדו בקעות אל מקום זה יסדת להם׃ 9 גבול שמת בל יעברון בל ישובון לכסות הארץ׃ 10 המשלח מעינים בנחלים בין הרים יהלכון׃ 11 ישקו כל חיתו שדי ישברו פראים צמאם׃ 12 עליהם עוף השמים ישכון מבין עפאים יתנו קול׃ 13 משקה הרים מעליותיו מפרי מעשיך תשבע הארץ׃ 14 מצמיח חציר לבהמה ועשב לעבדת האדם להוציא לחם מן הארץ׃ 15 ויין ישמח לבב אנוש להצהיל פנים משמן ולחם לבב אנוש יסעד׃ 16 ישבעו עצי יהוה ארזי לבנון אשר נטע׃ 17 אשר שם צפרים יקננו חסידה ברושים ביתה׃ 18 הרים הגבהים ליעלים סלעים מחסה לשפנים׃ 19 עשה ירח למועדים שמש ידע מבואו׃ 20 תשת חשך ויהי לילה בו תרמש כל חיתו יער׃ 21 הכפירים שאגים לטרף ולבקש מאל אכלם׃ 22 תזרח השמש יאספון ואל מעונתם ירבצון׃ 23 יצא אדם לפעלו ולעבדתו עדי ערב׃ 24 מה רבו מעשיך יהוה כלם בחכמה עשית מלאה הארץ קנינך׃ 25 זה הים גדול ורחב ידים שם רמש ואין מספר חיות קטנות עם גדלות׃ 26 שם אניות יהלכון לויתן זה יצרת לשחק בו׃ 27 כלם אליך ישברון לתת אכלם בעתו׃ 28 תתן להם ילקטון תפתח ידך ישבעון טוב׃ 29 תסתיר פניך יבהלון תסף רוחם יגועון ואל עפרם ישובון׃ 30 תשלח רוחך יבראון ותחדש פני אדמה׃ 31 יהי כבוד יהוה לעולם ישמח יהוה במעשיו׃ 32 המביט לארץ ותרעד יגע בהרים ויעשנו׃ 33 אשירה ליהוה בחיי אזמרה לאלהי בעודי׃ 34 יערב עליו שיחי אנכי אשמח ביהוה׃ 35 יתמו חטאים מן הארץ ורשעים עוד אינם ברכי נפשי את יהוה הללו יה׃

Verš 1

ברכי נפשי את יהוה יהוה אלהי גדלת מאד הוד והדר לבשת׃

Ž 103:1 - לדוד ברכי נפשי את יהוה וכל קרבי את שם קדשו׃

Ž 146:1 - הללו יה הללי נפשי את יהוה׃

Verš 2

עטה אור כשלמה נוטה שמים כיריעה׃

Gn 1:6 - ויאמר אלהים יהי רקיע בתוך המים ויהי מבדיל בין מים למים׃

Jób 26:7 - נטה צפון על תהו תלה ארץ על בלי מה׃

Verš 3

המקרה במים עליותיו השם עבים רכובו המהלך על כנפי רוח׃

Ž 18:10 - וירכב על כרוב ויעף וידא על כנפי רוח׃

Iz 19:1 - משא מצרים הנה יהוה רכב על עב קל ובא מצרים ונעו אלילי מצרים מפניו ולבב מצרים ימס בקרבו׃

Zjv 14:14 - וארא והנה ענן בהיר ועל הענן ישב כדמות בן אדם ועל ראשו עטרת זהב ובידו מגל מלטש׃

Verš 4

עשה מלאכיו רוחות משרתיו אש להט׃

Heb 1:7 - הן על המלאכים הוא אמר עשה מלאכיו רוחות משרתיו אש להט׃

Verš 5

יסד ארץ על מכוניה בל תמוט עולם ועד׃

Jób 26:7 - נטה צפון על תהו תלה ארץ על בלי מה׃

Jób 38:4 - איפה היית ביסדי ארץ הגד אם ידעת בינה׃

Ž 24:2 - כי הוא על ימים יסדה ועל נהרות יכוננה׃

Ž 78:69 - ויבן כמו רמים מקדשו כארץ יסדה לעולם׃

Verš 33

אשירה ליהוה בחיי אזמרה לאלהי בעודי׃

Ž 63:4 - כן אברכך בחיי בשמך אשא כפי׃

Ž 146:2 - אהללה יהוה בחיי אזמרה לאלהי בעודי׃

Verš 21

הכפירים שאגים לטרף ולבקש מאל אכלם׃

Jób 38:39 - התצוד ללביא טרף וחית כפירים תמלא׃

Iz 31:4 - כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃

Verš 27

כלם אליך ישברון לתת אכלם בעתו׃

Ž 145:15 - עיני כל אליך ישברו ואתה נותן להם את אכלם בעתו׃

Verš 29

תסתיר פניך יבהלון תסף רוחם יגועון ואל עפרם ישובון׃

Ž 30:7 - יהוה ברצונך העמדתה להררי עז הסתרת פניך הייתי נבהל׃

Z 104 - V žalme máme chválospev na Boha, stvoriteľa vesmíru. Tento hymnus zachováva poriadok Gn 1,1 - 2,3.

Z 104,2 - "Nebesia rozpínaš ako stan". Vesmír sa tu aj inde v SZ opisuje podľa toho, ako sa javí navonok, nie podľa vnútornej povahy vecí (porov. Iz 40,22; Gn 1,6).

Z 104,3 - "Nad vodami", čiže nad nebeským oceánom (horné vody Gn 1,7).

Z 104,26 - Boh predvídal a chcel, aby po mori brázdili lode, aj ony sú potom koniec koncov jeho dielom.

Z 104,31 - "Nech sa teší Pán" - porov. Gn 1,31: "A Boh videl… a bolo to veľmi dobré."