Žalmy

Biblia - Sväté písmo

(HEM - Hebrejský - Moderný)

Ž 103, 1-22

1 לדוד ברכי נפשי את יהוה וכל קרבי את שם קדשו׃ 2 ברכי נפשי את יהוה ואל תשכחי כל גמוליו׃ 3 הסלח לכל עונכי הרפא לכל תחלאיכי׃ 4 הגואל משחת חייכי המעטרכי חסד ורחמים׃ 5 המשביע בטוב עדיך תתחדש כנשר נעוריכי׃ 6 עשה צדקות יהוה ומשפטים לכל עשוקים׃ 7 יודיע דרכיו למשה לבני ישראל עלילותיו׃ 8 רחום וחנון יהוה ארך אפים ורב חסד׃ 9 לא לנצח יריב ולא לעולם יטור׃ 10 לא כחטאינו עשה לנו ולא כעונתינו גמל עלינו׃ 11 כי כגבה שמים על הארץ גבר חסדו על יראיו׃ 12 כרחק מזרח ממערב הרחיק ממנו את פשעינו׃ 13 כרחם אב על בנים רחם יהוה על יראיו׃ 14 כי הוא ידע יצרנו זכור כי עפר אנחנו׃ 15 אנוש כחציר ימיו כציץ השדה כן יציץ׃ 16 כי רוח עברה בו ואיננו ולא יכירנו עוד מקומו׃ 17 וחסד יהוה מעולם ועד עולם על יראיו וצדקתו לבני בנים׃ 18 לשמרי בריתו ולזכרי פקדיו לעשותם׃ 19 יהוה בשמים הכין כסאו ומלכותו בכל משלה׃ 20 ברכו יהוה מלאכיו גברי כח עשי דברו לשמע בקול דברו׃ 21 ברכו יהוה כל צבאיו משרתיו עשי רצונו׃ 22 ברכו יהוה כל מעשיו בכל מקמות ממשלתו ברכי נפשי את יהוה׃

Verš 8

רחום וחנון יהוה ארך אפים ורב חסד׃

Ex 34:6 - ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

Nm 14:18 - יהוה ארך אפים ורב חסד נשא עון ופשע ונקה לא ינקה פקד עון אבות על בנים על שלשים ועל רבעים׃

Dt 5:10 - ועשה חסד לאלפים לאהבי ולשמרי מצותו׃

Neh 9:17 - וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃

Ž 86:15 - ואתה אדני אל רחום וחנון ארך אפים ורב חסד ואמת׃

Ž 145:8 - חנון ורחום יהוה ארך אפים וגדל חסד׃

Jer 32:18 - עשה חסד לאלפים ומשלם עון אבות אל חיק בניהם אחריהם האל הגדול הגבור יהוה צבאות שמו׃

Verš 9

לא לנצח יריב ולא לעולם יטור׃

Iz 57:16 - כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

Jer 3:5 - הינטר לעולם אם ישמר לנצח הנה דברתי ותעשי הרעות ותוכל׃

Verš 18

לשמרי בריתו ולזכרי פקדיו לעשותם׃

Dt 7:9 - וידעת כי יהוה אלהיך הוא האלהים האל הנאמן שמר הברית והחסד לאהביו ולשמרי מצותו לאלף דור׃

Verš 21

ברכו יהוה כל צבאיו משרתיו עשי רצונו׃

Gn 32:2 - ויאמר יעקב כאשר ראם מחנה אלהים זה ויקרא שם המקום ההוא מחנים׃

1Kr 22:19 - ויאמר לכן שמע דבר יהוה ראיתי את יהוה ישב על כסאו וכל צבא השמים עמד עליו מימינו ומשמאלו׃

Ef 3:10 - למען אשר תודע עתה על ידי העדה לשרים לשליטים אשר במרומים חכמת אלהים המפליאה דתכיה׃

Kol 1:16 - כי בו נברא כל אשר בשמים ואשר בארץ כל הנראה וכל אשר איננו נראה הן כסאות וממשלות הן שררות ורשיות הכל נברא על ידי ולמענהו׃

Verš 15

אנוש כחציר ימיו כציץ השדה כן יציץ׃

Ž 90:5 - זרמתם שנה יהיו בבקר כחציר יחלף׃

Jób 14:1 - אדם ילוד אשה קצר ימים ושבע רגז׃

Ž 90:5 - זרמתם שנה יהיו בבקר כחציר יחלף׃

Jak 1:10 - והעשיר יתהלל בשפלותו כי יעבר כציץ החציר׃

1Pt 1:24 - כי כל בשר חציר וכל כבוד איש כציץ השדה יבש חציר נבל ציץ׃

Z 103,5 - "Obnovuje mladosť ako orlovi" - sv. Hieronym k Iz 40,31: "Hovorievame, že starý orol omladne, keď mu vymenia krídla."

Z 103,8 - Tieto slová sú aj v Ex 34,6, kde ich hovorí sám Pán (porov. Ž 145,8).

Z 103,16 - "Nezostane po ňom ani stopa" (Ž 90,5; Iz 40,6-8; Jób 7,10; 8,18; 14,2 atď.). - Človek je úbohý, pominuteľný tvor, Božie milosrdenstvo a láska sú však večné.