Žalmy

Biblia - Sväté písmo

(HEM - Hebrejský - Moderný)

Ž 10, 1-18

1 למה יהוה תעמד ברחוק תעלים לעתות בצרה׃ 2 בגאות רשע ידלק עני יתפשו במזמות זו חשבו׃ 3 כי הלל רשע על תאות נפשו ובצע ברך נאץ יהוה׃ 4 רשע כגבה אפו בל ידרש אין אלהים כל מזמותיו׃ 5 יחילו דרכו בכל עת מרום משפטיך מנגדו כל צורריו יפיח בהם׃ 6 אמר בלבו בל אמוט לדר ודר אשר לא ברע׃ 7 אלה פיהו מלא ומרמות ותך תחת לשונו עמל ואון׃ 8 ישב במארב חצרים במסתרים יהרג נקי עיניו לחלכה יצפנו׃ 9 יארב במסתר כאריה בסכה יארב לחטוף עני יחטף עני במשכו ברשתו׃ 10 ודכה ישח ונפל בעצומיו חלכאים׃ 11 אמר בלבו שכח אל הסתיר פניו בל ראה לנצח׃ 12 קומה יהוה אל נשא ידך אל תשכח עניים׃ 13 על מה נאץ רשע אלהים אמר בלבו לא תדרש׃ 14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃ 15 שבר זרוע רשע ורע תדרוש רשעו בל תמצא׃ 16 יהוה מלך עולם ועד אבדו גוים מארצו׃ 17 תאות ענוים שמעת יהוה תכין לבם תקשיב אזנך׃ 18 לשפט יתום ודך בל יוסיף עוד לערץ אנוש מן הארץ׃

Verš 16

יהוה מלך עולם ועד אבדו גוים מארצו׃

Ž 29:10 - יהוה למבול ישב וישב יהוה מלך לעולם׃

Ž 145:13 - מלכותך מלכות כל עלמים וממשלתך בכל דור ודור׃

Ž 146:10 - ימלך יהוה לעולם אלהיך ציון לדר ודר הללו יה׃

Jer 10:10 - ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

Nár 5:19 - אתה יהוה לעולם תשב כסאך לדר ודור׃

Dan 4:3 - אתוהי כמה רברבין ותמהוהי כמה תקיפין מלכותה מלכות עלם ושלטנה עם דר ודר׃

Dan 6:26 - מן קדמי שים טעם די בכל שלטן מלכותי להון זאעין ודחלין מן קדם אלהה די דניאל די הוא אלהא חיא וקים לעלמין ומלכותה די לא תתחבל ושלטנה עד סופא׃

1Tim 1:17 - ולמלך עולמים לאלהים הקים לעד והנעלם מעין והחכם לבדו לו הכבוד וההדר לעולמי עולמים אמן׃

Verš 2

בגאות רשע ידלק עני יתפשו במזמות זו חשבו׃

Ž 7:15 - בור כרה ויחפרהו ויפל בשחת יפעל׃

Ž 9:15 - טבעו גוים בשחת עשו ברשת זו טמנו נלכדה רגלם׃

Prís 5:22 - עוונותיו ילכדנו את הרשע ובחבלי חטאתו יתמך׃

Verš 11

אמר בלבו שכח אל הסתיר פניו בל ראה לנצח׃

Ž 94:7 - ויאמרו לא יראה יה ולא יבין אלהי יעקב׃

Verš 4

רשע כגבה אפו בל ידרש אין אלהים כל מזמותיו׃

Ž 14:1 - למנצח לדוד אמר נבל בלבו אין אלהים השחיתו התעיבו עלילה אין עשה טוב׃

Ž 53:1 - למנצח על מחלת משכיל לדוד אמר נבל בלבו אין אלהים השחיתו והתעיבו עול אין עשה טוב׃

Verš 7

אלה פיהו מלא ומרמות ותך תחת לשונו עמל ואון׃

Rim 3:14 - אשר אלה פיהם מלא ומררות׃