  | Kniha JóbBiblia - Sväté písmo(HEM - Hebrejský - Moderný) | Jób 37, 1-24 |
1 Jób 37, 1 אף לזאת יחרד לבי ויתר ממקומו׃ 2 Jób 37, 2 שמעו שמוע ברגז קלו והגה מפיו יצא׃ 3 Jób 37, 3 תחת כל השמים ישרהו ואורו על כנפות הארץ׃ 4 Jób 37, 4 אחריו ישאג קול ירעם בקול גאונו ולא יעקבם כי ישמע קולו׃ 5 Jób 37, 5 ירעם אל בקולו נפלאות עשה גדלות ולא נדע׃ 6 Jób 37, 6 כי לשלג יאמר הוא ארץ וגשם מטר וגשם מטרות עזו׃ 7 Jób 37, 7 ביד כל אדם יחתום לדעת כל אנשי מעשהו׃ 8 Jób 37, 8 ותבא חיה במו ארב ובמעונתיה תשכן׃ 9 Jób 37, 9 מן החדר תבוא סופה וממזרים קרה׃ 10 Jób 37, 10 מנשמת אל יתן קרח ורחב מים במוצק׃ 11 Jób 37, 11 אף ברי יטריח עב יפיץ ענן אורו׃ 12 Jób 37, 12 והוא מסבות מתהפך בתחבולתו לפעלם כל אשר יצום על פני תבל ארצה׃ 13 Jób 37, 13 אם לשבט אם לארצו אם לחסד ימצאהו׃ 14 Jób 37, 14 האזינה זאת איוב עמד והתבונן נפלאות אל׃ 15 Jób 37, 15 התדע בשום אלוה עליהם והופיע אור עננו׃ 16 Jób 37, 16 התדע על מפלשי עב מפלאות תמים דעים׃ 17 Jób 37, 17 אשר בגדיך חמים בהשקט ארץ מדרום׃ 18 Jób 37, 18 תרקיע עמו לשחקים חזקים כראי מוצק׃ 19 Jób 37, 19 הודיענו מה נאמר לו לא נערך מפני חשך׃ 20 Jób 37, 20 היספר לו כי אדבר אם אמר איש כי יבלע׃ 21 Jób 37, 21 ועתה לא ראו אור בהיר הוא בשחקים ורוח עברה ותטהרם׃ 22 Jób 37, 22 מצפון זהב יאתה על אלוה נורא הוד׃ 23 Jób 37, 23 שדי לא מצאנהו שגיא כח ומשפט ורב צדקה לא יענה׃ 24 Jób 37, 24 לכן יראוהו אנשים לא יראה כל חכמי לב׃
| | | Jób 37, 1-24 |
Verš 2
שמעו שמוע ברגז קלו והגה מפיו יצא׃
Ž 29:3 - קול יהוה על המים אל הכבוד הרעים יהוה על מים רבים׃
Verš 5
ירעם אל בקולו נפלאות עשה גדלות ולא נדע׃
Jób 5:9 - עשה גדלות ואין חקר נפלאות עד אין מספר׃
Jób 9:10 - עשה גדלות עד אין חקר ונפלאות עד אין מספר׃
Jób 36:26 - הן אל שגיא ולא נדע מספר שניו ולא חקר׃
Verš 6
כי לשלג יאמר הוא ארץ וגשם מטר וגשם מטרות עזו׃
Ž 147:16 - הנתן שלג כצמר כפור כאפר יפזר׃
Verš 10
מנשמת אל יתן קרח ורחב מים במוצק׃
Jób 38:29 - מבטן מי יצא הקרח וכפר שמים מי ילדו׃
Ž 147:17 - משליך קרחו כפתים לפני קרתו מי יעמד׃
Verš 13
אם לשבט אם לארצו אם לחסד ימצאהו׃
Ex 9:18 - הנני ממטיר כעת מחר ברד כבד מאד אשר לא היה כמהו במצרים למן היום הוסדה ועד עתה׃
Ex 9:23 - ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃
1Sam 12:18 - ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃
Ezd 10:9 - ויקבצו כל אנשי יהודה ובנימן ירושלם לשלשת הימים הוא חדש התשיעי בעשרים בחדש וישבו כל העם ברחוב בית האלהים מרעידים על הדבר ומהגשמים׃
Jób 36:31 - כי בם ידין עמים יתן אכל למכביר׃
Verš 18
תרקיע עמו לשחקים חזקים כראי מוצק׃
Gn 1:6 - ויאמר אלהים יהי רקיע בתוך המים ויהי מבדיל בין מים למים׃
Verš 23
שדי לא מצאנהו שגיא כח ומשפט ורב צדקה לא יענה׃
Jób 9:4 - חכם לבב ואמיץ כח מי הקשה אליו וישלם׃
Jób 12:13 - עמו חכמה וגבורה לו עצה ותבונה׃
Jób 12:16 - עמו עז ותושיה לו שגג ומשגה׃
Jób 36:5 - הן אל כביר ולא ימאס כביר כח לב׃
Ž 99:4 - ועז מלך משפט אהב אתה כוננת מישרים משפט וצדקה ביעקב אתה עשית׃
Job 37,6 - V. 7: "On vtláča na všetkých ľudí svoje znamenie" je voľnejší preklad. – V Palestíne za zimného obdobia trvalejšie sneží iba na vysokých horách. V zime padá hojný dážď, a to aj v priľahlých susedných krajoch Arabskej púšte. Daždivé počasie hatí roľníka v práci. Musí spočinúť od svojej celoročnej obvyklej práce.
Job 37,10 - Ľad sa tvorí taktiež dychom Pánovým – doslovne by znelo: Na dýchnutie Božie sype sa ľadovec. (Dýchnutie Božie podľa súvislosti je studený severný vietor.)
Job 37,23 - Hoci je Boh aj nekonečne mocný, predsa nikdy nezneužíva svoju všemohúcnosť; preto je nemysliteľné, aby sa Boh kruto zahrával s osudom ľudí alebo iných svojich stvorení.
