 | Kniha JóbBiblia - Sväté písmo(HEM - Hebrejský - Moderný) | Jób 20, 1-29 |
1 Jób 20, 1 ויען צפר הנעמתי ויאמר׃ 2 Jób 20, 2 לכן שעפי ישיבוני ובעבור חושי בי׃ 3 Jób 20, 3 מוסר כלמתי אשמע ורוח מבינתי יענני׃ 4 Jób 20, 4 הזאת ידעת מני עד מני שים אדם עלי ארץ׃ 5 Jób 20, 5 כי רננת רשעים מקרוב ושמחת חנף עדי רגע׃ 6 Jób 20, 6 אם יעלה לשמים שיאו וראשו לעב יגיע׃ 7 Jób 20, 7 כגללו לנצח יאבד ראיו יאמרו איו׃ 8 Jób 20, 8 כחלום יעוף ולא ימצאוהו וידד כחזיון לילה׃ 9 Jób 20, 9 עין שזפתו ולא תוסיף ולא עוד תשורנו מקומו׃ 10 Jób 20, 10 בניו ירצו דלים וידיו תשבנה אונו׃ 11 Jób 20, 11 עצמותיו מלאו עלומו ועמו על עפר תשכב׃ 12 Jób 20, 12 אם תמתיק בפיו רעה יכחידנה תחת לשונו׃ 13 Jób 20, 13 יחמל עליה ולא יעזבנה וימנענה בתוך חכו׃ 14 Jób 20, 14 לחמו במעיו נהפך מרורת פתנים בקרבו׃ 15 Jób 20, 15 חיל בלע ויקאנו מבטנו יורשנו אל׃ 16 Jób 20, 16 ראש פתנים יינק תהרגהו לשון אפעה׃ 17 Jób 20, 17 אל ירא בפלגות נהרי נחלי דבש וחמאה׃ 18 Jób 20, 18 משיב יגע ולא יבלע כחיל תמורתו ולא יעלס׃ 19 Jób 20, 19 כי רצץ עזב דלים בית גזל ולא יבנהו׃ 20 Jób 20, 20 כי לא ידע שלו בבטנו בחמודו לא ימלט׃ 21 Jób 20, 21 אין שריד לאכלו על כן לא יחיל טובו׃ 22 Jób 20, 22 במלאות שפקו יצר לו כל יד עמל תבואנו׃ 23 Jób 20, 23 יהי למלא בטנו ישלח בו חרון אפו וימטר עלימו בלחומו׃ 24 Jób 20, 24 יברח מנשק ברזל תחלפהו קשת נחושה׃ 25 Jób 20, 25 שלף ויצא מגוה וברק ממררתו יהלך עליו אמים׃ 26 Jób 20, 26 כל חשך טמון לצפוניו תאכלהו אש לא נפח ירע שריד באהלו׃ 27 Jób 20, 27 יגלו שמים עונו וארץ מתקוממה לו׃ 28 Jób 20, 28 יגל יבול ביתו נגרות ביום אפו׃ 29 Jób 20, 29 זה חלק אדם רשע מאלהים ונחלת אמרו מאל׃
 | | Jób 20, 1-29 |
Verš 19
כי רצץ עזב דלים בית גזל ולא יבנהו׃
Kaz 5:13 - יש רעה חולה ראיתי תחת השמש עשר שמור לבעליו לרעתו׃
Verš 5
כי רננת רשעים מקרוב ושמחת חנף עדי רגע׃
Ž 37:35 - ראיתי רשע עריץ ומתערה כאזרח רענן׃
Job 20,15 - Pre hriešnosť odníma Boh človekovi majetok.
Job 20,17 - Nebude sa kochať v hojnosti svojho bohatstva – lebo ho už vôbec nebude. Boh mu ďalšiu hojnosť statkov nedopraje.