  | 1. kniha kroníkBiblia - Sväté písmo(HEM - Hebrejský - Moderný) | 1Krn 10, 1-14 |
1 1Krn 10, 1 ופלשתים נלחמו בישראל וינס איש ישראל מפני פלשתים ויפלו חללים בהר גלבע׃ 2 1Krn 10, 2 וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃ 3 1Krn 10, 3 ותכבד המלחמה על שאול וימצאהו המורים בקשת ויחל מן היורים׃ 4 1Krn 10, 4 ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃ 5 1Krn 10, 5 וירא נשא כליו כי מת שאול ויפל גם הוא על החרב וימת׃ 6 1Krn 10, 6 וימת שאול ושלשת בניו וכל ביתו יחדו מתו׃ 7 1Krn 10, 7 ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃ 8 1Krn 10, 8 ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃ 9 1Krn 10, 9 ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃ 10 1Krn 10, 10 וישימו את כליו בית אלהיהם ואת גלגלתו תקעו בית דגון׃ 11 1Krn 10, 11 וישמעו כל יביש גלעד את כל אשר עשו פלשתים לשאול׃ 12 1Krn 10, 12 ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים׃ 13 1Krn 10, 13 וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש׃ 14 1Krn 10, 14 ולא דרש ביהוה וימיתהו ויסב את המלוכה לדויד בן ישי׃
| | | 1Krn 10, 1-14 |
Verš 10
וישימו את כליו בית אלהיהם ואת גלגלתו תקעו בית דגון׃
1Sam 31:10 - וישמו את כליו בית עשתרות ואת גויתו תקעו בחומת בית שן׃
Verš 13
וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש׃
1Sam 28:8 - ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃
1Krn 10,1-12 - Tieto verše sa skoro doslovne zrovnávajú s 1 Sam 31,1–13. Pozri poznámky k tej stati. Tam je tiež opísané, čo sa stalo so Šaulovým telom. Podľa 1 Sam 31,13 pochovali kosti Šaula a jeho synov pod tamariškou.
