| Kniha GenezisBiblia - Sväté písmo(ROM - Rómsky) | Gn 42, 1-38 |
1 ----
1 (HEM) וירא יעקב כי יש שבר במצרים ויאמר יעקב לבניו למה תתראו׃
2 ----
2 (HEM) ויאמר הנה שמעתי כי יש שבר במצרים רדו שמה ושברו לנו משם ונחיה ולא נמות׃
3 ----
3 (HEM) וירדו אחי יוסף עשרה לשבר בר ממצרים׃
4 ----
4 (HEM) ואת בנימין אחי יוסף לא שלח יעקב את אחיו כי אמר פן יקראנו אסון׃
5 ----
5 (HEM) ויבאו בני ישראל לשבר בתוך הבאים כי היה הרעב בארץ כנען׃
6 ----
6 (HEM) ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃
7 ----
7 (HEM) וירא יוסף את אחיו ויכרם ויתנכר אליהם וידבר אתם קשות ויאמר אלהם מאין באתם ויאמרו מארץ כנען לשבר אכל׃
8 ----
8 (HEM) ויכר יוסף את אחיו והם לא הכרהו׃
9 ----
9 (HEM) ויזכר יוסף את החלמות אשר חלם להם ויאמר אלהם מרגלים אתם לראות את ערות הארץ באתם׃
10 ----
10 (HEM) ויאמרו אליו לא אדני ועבדיך באו לשבר אכל׃
11 ----
11 (HEM) כלנו בני איש אחד נחנו כנים אנחנו לא היו עבדיך מרגלים׃
12 ----
12 (HEM) ויאמר אלהם לא כי ערות הארץ באתם לראות׃
13 ----
13 (HEM) ויאמרו שנים עשר עבדיך אחים אנחנו בני איש אחד בארץ כנען והנה הקטן את אבינו היום והאחד איננו׃
14 ----
14 (HEM) ויאמר אלהם יוסף הוא אשר דברתי אלכם לאמר מרגלים אתם׃
15 ----
15 (HEM) בזאת תבחנו חי פרעה אם תצאו מזה כי אם בבוא אחיכם הקטן הנה׃
16 ----
16 (HEM) שלחו מכם אחד ויקח את אחיכם ואתם האסרו ויבחנו דבריכם האמת אתכם ואם לא חי פרעה כי מרגלים אתם׃
17 ----
17 (HEM) ויאסף אתם אל משמר שלשת ימים׃
18 ----
18 (HEM) ויאמר אלהם יוסף ביום השלישי זאת עשו וחיו את האלהים אני ירא׃
19 ----
19 (HEM) אם כנים אתם אחיכם אחד יאסר בבית משמרכם ואתם לכו הביאו שבר רעבון בתיכם׃
20 ----
20 (HEM) ואת אחיכם הקטן תביאו אלי ויאמנו דבריכם ולא תמותו ויעשו כן׃
21 ----
21 (HEM) ויאמרו איש אל אחיו אבל אשמים אנחנו על אחינו אשר ראינו צרת נפשו בהתחננו אלינו ולא שמענו על כן באה אלינו הצרה הזאת׃
22 ----
22 (HEM) ויען ראובן אתם לאמר הלוא אמרתי אליכם לאמר אל תחטאו בילד ולא שמעתם וגם דמו הנה נדרש׃
23 ----
23 (HEM) והם לא ידעו כי שמע יוסף כי המליץ בינתם׃
24 ----
24 (HEM) ויסב מעליהם ויבך וישב אלהם וידבר אלהם ויקח מאתם את שמעון ויאסר אתו לעיניהם׃
25 ----
25 (HEM) ויצו יוסף וימלאו את כליהם בר ולהשיב כספיהם איש אל שקו ולתת להם צדה לדרך ויעש להם כן׃
26 ----
26 (HEM) וישאו את שברם על חמריהם וילכו משם׃
27 ----
27 (HEM) ויפתח האחד את שקו לתת מספוא לחמרו במלון וירא את כספו והנה הוא בפי אמתחתו׃
28 ----
28 (HEM) ויאמר אל אחיו הושב כספי וגם הנה באמתחתי ויצא לבם ויחרדו איש אל אחיו לאמר מה זאת עשה אלהים לנו׃
29 ----
29 (HEM) ויבאו אל יעקב אביהם ארצה כנען ויגידו לו את כל הקרת אתם לאמר׃
30 ----
30 (HEM) דבר האיש אדני הארץ אתנו קשות ויתן אתנו כמרגלים את הארץ׃
31 ----
31 (HEM) ונאמר אליו כנים אנחנו לא היינו מרגלים׃
32 ----
32 (HEM) שנים עשר אנחנו אחים בני אבינו האחד איננו והקטן היום את אבינו בארץ כנען׃
33 ----
33 (HEM) ויאמר אלינו האיש אדני הארץ בזאת אדע כי כנים אתם אחיכם האחד הניחו אתי ואת רעבון בתיכם קחו ולכו׃
34 ----
34 (HEM) והביאו את אחיכם הקטן אלי ואדעה כי לא מרגלים אתם כי כנים אתם את אחיכם אתן לכם ואת הארץ תסחרו׃
35 ----
35 (HEM) ויהי הם מריקים שקיהם והנה איש צרור כספו בשקו ויראו את צררות כספיהם המה ואביהם וייראו׃
36 ----
36 (HEM) ויאמר אלהם יעקב אביהם אתי שכלתם יוסף איננו ושמעון איננו ואת בנימן תקחו עלי היו כלנה׃
37 ----
37 (HEM) ויאמר ראובן אל אביו לאמר את שני בני תמית אם לא אביאנו אליך תנה אתו על ידי ואני אשיבנו אליך׃
38 ----
38 (HEM) ויאמר לא ירד בני עמכם כי אחיו מת והוא לבדו נשאר וקראהו אסון בדרך אשר תלכו בה והורדתם את שיבתי ביגון שאולה׃
| | Gn 42, 1-38 |
Verš 2
Sk 7:12 - O Iakov ashundia ke sas jiv ande Egypt, ai tradia amare daden e pervo data.
Verš 35
Verš 6
Verš 9
Verš 13
Verš 20
Verš 22
Gn 42,15-16 - Egypťania prisahali na faraónov život. Jozef skúša svojich bratov, či milujú svojho otca, či sa navzájom milujú a či oľutovali svoje previnenie. Jozef chce vidieť Benjamína, lebo on je jeho jediný vlastný brat. Aj otca, aj matku mali spoločných.