Hľadaný výraz: Z 118,5-18, Preklad: Hebrejský - Moderný, Počet výsledkov: 1
| 5 מן המצר קראתי יה ענני במרחב יה׃ 6 יהוה לי לא אירא מה יעשה לי אדם׃ 7 יהוה לי בעזרי ואני אראה בשנאי׃ 8 טוב לחסות ביהוה מבטח באדם׃ 9 טוב לחסות ביהוה מבטח בנדיבים׃ 10 כל גוים סבבוני בשם יהוה כי אמילם׃ 11 סבוני גם סבבוני בשם יהוה כי אמילם׃ 12 סבוני כדבורים דעכו כאש קוצים בשם יהוה כי אמילם׃ 13 דחה דחיתני לנפל ויהוה עזרני׃ 14 עזי וזמרת יה ויהי לי לישועה׃ 15 קול רנה וישועה באהלי צדיקים ימין יהוה עשה חיל׃ 16 ימין יהוה רוממה ימין יהוה עשה חיל׃ 17 לא אמות כי אחיה ואספר מעשי יה׃ 18 יסר יסרני יה ולמות לא נתנני׃ |
