Hľadaný výraz: Jn 15,1-11, Preklad: Rómsky, Počet výsledkov: 1
| 1 "Me sim o chacho khash le strugurosko, ai murho Dat si kodo kai lel sama katar e rez. 2 Ai swako krenga kai si ande mande kai chi anel fruta, wo shinel la; numa swako krenga kai anel fruta; wo shinel la, saxke te avel la mai but fruta. 3 Akana te san vuzho/vuzhi palai vorba kai phendem tute. 4 Beshes ande mande, ai me beshava ande tute, sar e krenzha kai nashtil anda peste te avel la fruta, te na beshela phangli ka khash; kadia tu nashtis te na beshesa ande mande. 5 Me sim o khash le strugurosko, ai tume san le krenzhi. Kuko kai beshel ande mande, ai me beshav ande leste, wo anel but fruta; ke tu bi mango nashtis te keres khanchi. 6 Te si vari kon kai chi beshel ande mande, wo shudino lo avri sar e krenzha, ai shuchol; ai porme chiden le, ai shuden le ande iag, kai phabosarde. 7 Te beshena ande mande , ai murhe vorbi te beshena ande tuende, phushen so tume mange, ai avela tume dino so mangen. 8 Kana tume den but fruta, murho Dat si luvudime; kadia sikavel kai san murhe disipluria. 9 Sar O Dat drago mange, mange drago sas tumen; beshen ande murhe dragostia. 10 Te garavena murhe zakonuria, tume beshena ande murhe dragostia; sa sar garadem me le zakonuria murhe Dadeske, ai ke beshav ando leski dragostia. 11 Me phendem tumenge kadala dieli, saxke te avel murho raduimos ande tumende, ai tumaro raduimos te avel pherdo. |
