| Kniha SirachovcovaBiblia - Sväté písmo(VUL - Latinský - Nova Vulgata) | Sir 15, 1-22 |
1 Sir 15, 1 Qui timet Deum, faciet haec, et, qui continens est legis, apprehendet illam; 2 Sir 15, 2 et obviabit illi quasi mater honorificata et quasi mulier a virginitate suscipiet illum. 3 Sir 15, 3 Cibabit illum pane vitae et intellectus et aqua sapientiae salutaris potabit illum, et firmabitur in illa et non flectetur 4 Sir 15, 4 et confidet in illam et non confundetur; et exaltabit illum prae proximis suis 5 Sir 15, 5 et in medio ecclesiae aperiet os eius et adimplebit illum spiritu sapientiae et intellectus et stola gloriae vestiet illum; 6 Sir 15, 6 iucunditatem et exsultationem thesaurizabit super illum et nomine aeterno hereditabit illum. 7 Sir 15, 7 Homines stulti non apprehendent illam, et homines sensati obviabunt illi; homines peccatores non videbunt eam, longe enim abest a superbia et dolo. 8 Sir 15, 8 Viri mendaces non erunt illius memores; et viri veraces invenientur in illa et successum habebunt usque ad inspectionem Dei. 9 Sir 15, 9 Non est speciosa laus in ore peccatoris, 10 Sir 15, 10 quoniam non a Deo tributa est ei; sapientiae enim Dei astabit laus, et in ore sapientis dicetur laus, et dominator illius docebit eam. 11 Sir 15, 11 Ne dixeris: “ A Deo peccatum meum ” quae enim odit, ipse non facit. 12 Sir 15, 12 Non dicas: “ Ille in me impegit ”; non enim necessarii sunt ei homines impii. 13 Sir 15, 13 Omne exsecramentum erroris odit Dominus, et non erit amabile timentibus eum. 14 Sir 15, 14 Deus ab initio constituit hominem et reliquit illum in manu consilii sui et dedit eum in manum concupiscentiae suae. 15 Sir 15, 15 Adiecit mandata et praecepta sua et intellegentiam ad faciendum placitum eius. 16 Sir 15, 16 Si volueris mandata servare, conservabunt te; si confidis in illo, etiam tu vives. 17 Sir 15, 17 Apposuit tibi aquam et ignem; ad quod volueris, porrige manum tuam. 18 Sir 15, 18 Ante hominem vita et mors, bonum et malum: quod placuerit ei, dabitur illi. 19 Sir 15, 19 Quoniam multa sapientia Dei, et fortis in potentia videns omnes sine intermissione. 20 Sir 15, 20 Oculi Domini ad timentes eum, et ipse agnoscit omnem operam hominis. 21 Sir 15, 21 Nemini mandavit impie agere et nemini dedit spatium peccandi. 22 Sir 15, 22 Non concupiscas multitudinem filiorum infidelium et iniquorum.
| | Sir 15, 1-22 |
Sir 15,11 - Hebrejský text lepšie podáva verš:"Nehovor: Boh je príčinou hriechu môjho,lebo čo sám nenávidí, to ani nerobí."
Sir 15,16 - Slobodná vôľa je iba vtedy pravá, keď sa vo všetkom podriaďuje vôli Božej.