  | Kniha DeuteronómiumBiblia - Sväté písmo(HEM - Hebrejský - Moderný) | Dt 27, 1-26 |
1 Dt 27, 1 ויצו משה וזקני ישראל את העם לאמר שמר את כל המצוה אשר אנכי מצוה אתכם היום׃ 2 Dt 27, 2 והיה ביום אשר תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד׃ 3 Dt 27, 3 וכתבת עליהן את כל דברי התורה הזאת בעברך למען אשר תבא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך׃ 4 Dt 27, 4 והיה בעברכם את הירדן תקימו את האבנים האלה אשר אנכי מצוה אתכם היום בהר עיבל ושדת אותם בשיד׃ 5 Dt 27, 5 ובנית שם מזבח ליהוה אלהיך מזבח אבנים לא תניף עליהם ברזל׃ 6 Dt 27, 6 אבנים שלמות תבנה את מזבח יהוה אלהיך והעלית עליו עולת ליהוה אלהיך׃ 7 Dt 27, 7 וזבחת שלמים ואכלת שם ושמחת לפני יהוה אלהיך׃ 8 Dt 27, 8 וכתבת על האבנים את כל דברי התורה הזאת באר היטב׃ 9 Dt 27, 9 וידבר משה והכהנים הלוים אל כל ישראל לאמר הסכת ושמע ישראל היום הזה נהיית לעם ליהוה אלהיך׃ 10 Dt 27, 10 ושמעת בקול יהוה אלהיך ועשית את מצותו ואת חקיו אשר אנכי מצוך היום׃ 11 Dt 27, 11 ויצו משה את העם ביום ההוא לאמר׃ 12 Dt 27, 12 אלה יעמדו לברך את העם על הר גרזים בעברכם את הירדן שמעון ולוי ויהודה ויששכר ויוסף ובנימן׃ 13 Dt 27, 13 ואלה יעמדו על הקללה בהר עיבל ראובן גד ואשר וזבולן דן ונפתלי׃ 14 Dt 27, 14 וענו הלוים ואמרו אל כל איש ישראל קול רם׃ 15 Dt 27, 15 ארור האיש אשר יעשה פסל ומסכה תועבת יהוה מעשה ידי חרש ושם בסתר וענו כל העם ואמרו אמן׃ 16 Dt 27, 16 ארור מקלה אביו ואמו ואמר כל העם אמן׃ 17 Dt 27, 17 ארור מסיג גבול רעהו ואמר כל העם אמן׃ 18 Dt 27, 18 ארור משגה עור בדרך ואמר כל העם אמן׃ 19 Dt 27, 19 ארור מטה משפט גר יתום ואלמנה ואמר כל העם אמן׃ 20 Dt 27, 20 ארור שכב עם אשת אביו כי גלה כנף אביו ואמר כל העם אמן׃ 21 Dt 27, 21 ארור שכב עם כל בהמה ואמר כל העם אמן׃ 22 Dt 27, 22 ארור שכב עם אחתו בת אביו או בת אמו ואמר כל העם אמן׃ 23 Dt 27, 23 ארור שכב עם חתנתו ואמר כל העם אמן׃ 24 Dt 27, 24 ארור מכה רעהו בסתר ואמר כל העם אמן׃ 25 Dt 27, 25 ארור לקח שחד להכות נפש דם נקי ואמר כל העם אמן׃ 26 Dt 27, 26 ארור אשר לא יקים את דברי התורה הזאת לעשות אותם ואמר כל העם אמן׃
| | | Dt 27, 1-26 |
Verš 2
והיה ביום אשר תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד׃
Joz 4:1 - ויהי כאשר תמו כל הגוי לעבור את הירדן ויאמר יהוה אל יהושע לאמר׃
Verš 26
ארור אשר לא יקים את דברי התורה הזאת לעשות אותם ואמר כל העם אמן׃
Gal 3:10 - כי בני מעשי התורה תחת הקללה המה שנאמר ארור אשר לא יקים את כל הדברים הכתובים בספר התורה לעשות אותם׃
Verš 5
ובנית שם מזבח ליהוה אלהיך מזבח אבנים לא תניף עליהם ברזל׃
Ex 20:25 - ואם מזבח אבנים תעשה לי לא תבנה אתהן גזית כי חרבך הנפת עליה ותחללה׃
Joz 8:31 - כאשר צוה משה עבד יהוה את בני ישראל ככתוב בספר תורת משה מזבח אבנים שלמות אשר לא הניף עליהן ברזל ויעלו עליו עלות ליהוה ויזבחו שלמים׃
Dt 27,3 - Slová tohto zákona – nie je isté, o aký rozsah zákona ide. Autori sú rozličných mienok; jedni myslia, že ide o celý Pentateuch, druhí tvrdia, že autor hovorí iba o Deuteronómiu atď. Joz. Flávius sa domnieval, že "zákon" na tomto mieste sú len "kliatby" a "požehnania", ktoré nasledujú (vv. 16–26).
Dt 27,5 - Oltár pri obnove zmluvy v zasľúbenej zemi má byť taký, aký mali pri vrchu Sinaj, keď Pán po prvý raz uzavrel s Izraelitmi zmluvu Ex 20,25.
Dt 27,15-26 - Dvanásť kliatieb vo všeobecnosti zahrňuje porušenie celého zákona. Niektoré kliatby týkajú sa prestúpenia príkazov Desatora. Kliatbami Mojžiš zavrhuje hriech a robí výstrahu tým, čo by zanedbali zákonné predpisy. Takto zákon stal sa kliatbou, ak ho niekto nezachoval (Gal 3,13).
