  | Kniha NumeriBiblia - Sväté písmo(VUL - Latinský - Nova Vulgata) | Nm 31, 1-54 |
1 Nm 31, 1 Locutusque est Dominus ad Moysen dicens: 2 Nm 31, 2 “ Ulciscere filios Israel de Madianitis et sic colligeris ad populum tuum ”. 3 Nm 31, 3 Statimque Moyses: “ Armate, inquit, ex vobis viros ad pugnam, qui possint ultionem Domini expetere de Madianitis. 4 Nm 31, 4 Mille viri de singulis tribubus eligantur ex Israel, qui mittantur ad bellum ”. 5 Nm 31, 5 Dederuntque millenos de singulis tribubus, id est duodecim milia expeditorum ad pugnam, 6 Nm 31, 6 quos misit Moyses cum Phinees filio Eleazari sacerdotis. Vasa quoque sancta et tubas ad clangendum tradidit ei. 7 Nm 31, 7 Cumque pugnassent contra Madianitas, sicut praeceperat Dominus Moysi, omnes mares occiderunt 8 Nm 31, 8 et reges eorum Evi et Recem et Sur et Hur et Rebe, quinque principes gentis, Balaam quoque filium Beor interfecerunt gladio; 9 Nm 31, 9 ceperuntque mulieres eorum et parvulos. Omniaque pecora et cunctam supellectilem, quidquid habere potuerant, depopulati sunt: 10 Nm 31, 10 tam urbes quam viculos et castra flamma consumpsit; 11 Nm 31, 11 et tulerunt praedam et universa, quae ceperant, tam ex hominibus quam ex iumentis, 12 Nm 31, 12 et adduxerunt captivos, spolia et praedam ad Moysen et Eleazarum sacerdotem et ad omnem congregationem filiorum Israel ad castra in campestribus Moab iuxta Iordanem contra Iericho. 13 Nm 31, 13 Egressi sunt autem Moyses et Eleazar sacerdos et omnes principes synagogae in occursum eorum extra castra. 14 Nm 31, 14 Iratusque Moyses principibus exercitus, tribunis et centurionibus, qui venerant de bello, 15 Nm 31, 15 ait: “ Cur omnes feminas reservastis? 16 Nm 31, 16 Nonne istae sunt, quae deceperunt filios Israel ad suggestionem Balaam et praevaricari vos fecerunt in Dominum super peccato Phegor, unde et percussus est populus Domini? 17 Nm 31, 17 Ergo cunctos interficite parvulos generis masculini et omnes mulieres, quae noverunt viros in coitu, iugulate; 18 Nm 31, 18 puellas autem et omnes feminas virgines reservate vobis. 19 Nm 31, 19 Et vos manete extra castra septem diebus; qui occiderit hominem vel occisum tetigerit, lustrabitur die tertio et septimo, vos et captivi vestri. 20 Nm 31, 20 Et de omni praeda, sive vestimentum fuerit sive aliquid in utensilia praeparatum de caprarum pellibus et pilis et ligno, lustrabitis ”. 21 Nm 31, 21 Eleazar quoque sacerdos ad viros exercitus, qui pugnaverant, sic locutus est: “ Hoc est praeceptum legis, quod mandavit Dominus Moysi: 22 Nm 31, 22 Aurum et argentum et aes et ferrum et stannum et plumbum, 23 Nm 31, 23 omne, quod potest transire per flammas, igne purgabitur; quidquid autem ignem non potest sustinere, aqua expiationis sanctificabitur. 24 Nm 31, 24 Et lavabitis vestimenta vestra die septimo, et purificati postea castra intrabitis ”. 25 Nm 31, 25 Dixit quoque Dominus ad Moysen: 26 Nm 31, 26 “ Tollite summam eorum, quae capta sunt, ab homine usque ad pecus, tu et Eleazar sacerdos et principes familiarum; 27 Nm 31, 27 dividesque ex aequo praedam inter eos, qui pugnaverunt egressique sunt ad bellum, et inter omnem congregationem. 28 Nm 31, 28 Et separabis partem Domino ab his, qui pugnaverunt et fuerunt in bello, unam animam de quingentis tam ex hominibus quam ex bobus et asinis et ovibus 29 Nm 31, 29 et dabis eam Eleazaro sacerdoti, quia praelibatio Domini sunt. 30 Nm 31, 30 Ex media quoque parte filiorum Israel accipies quinquagesimum caput hominum et boum et asinorum et ovium cunctorum animantium et dabis ea Levitis, qui excubant in custodiis habitaculi Domini ”. 31 Nm 31, 31 Feceruntque Moyses et Eleazar sacerdos, sicut praeceperat Dominus. 32 Nm 31, 32 Fuit autem praeda, quae supererat, quam exercitus ceperat, ovium sescenta septuaginta quinque milia, 33 Nm 31, 33 boum septuaginta duo milia, 34 Nm 31, 34 asinorum sexaginta milia et mille, 35 Nm 31, 35 animae hominum sexus feminei, quae non cognoverant viros, triginta duo milia. 36 Nm 31, 36 Dataque est media pars his, qui in proelio fuerant, ovium trecenta triginta septem milia quingentae, 37 Nm 31, 37 e quibus in partem Domini supputatae sunt oves sescentae septuaginta quinque, 38 Nm 31, 38 et de bobus triginta sex milibus, boves septuaginta et duo, 39 Nm 31, 39 de asinis triginta milibus quingentis, asini sexaginta unus, 40 Nm 31, 40 de animabus hominum sedecim milibus, cesserunt in partem Domini triginta duae animae. 41 Nm 31, 41 Tradiditque Moyses tributum praelibationis Domini Eleazaro sacerdoti, sicut fuerat ei imperatum. 42 Nm 31, 42 Ex media vero parte filiorum Israel, quam separaverat a parte eorum, qui in proelio fuerant, 43 Nm 31, 43 de hac media parte, quae contigerat congregationi, id est de ovibus trecentis triginta septem milibus quingentis 44 Nm 31, 44 et de bobus triginta sex milibus 45 Nm 31, 45 et de asinis triginta milibus quingentis 46 Nm 31, 46 et de hominibus sedecim milibus, 47 Nm 31, 47 tulit Moyses quinquagesimum caput et dedit Levitis, qui excubabant in habitaculo Domini, sicut praeceperat Dominus. 48 Nm 31, 48 Cumque accessissent principes exercitus ad Moysen, tribuni centurionesque, dixerunt: 49 Nm 31, 49 “ Nos servi tui recensuimus numerum pugnatorum, quos habuimus sub manu nostra, et ne unus quidem defuit. 50 Nm 31, 50 Ob hanc causam offerimus in donariis Domini singuli, quod auri potuimus invenire, periscelidas et armillas, anulos et inaures ac muraenulas, ad placandum pro nobis Dominum ”. 51 Nm 31, 51 Susceperuntque Moyses et Eleazar sacerdos aurum in diversis speciebus; 52 Nm 31, 52 omne aurum, quod elevaverunt Domino, pondo sedecim milia septingentos quinquaginta siclos, a tribunis et centurionibus. 53 Nm 31, 53 Unusquisque enim, quod in praeda rapuerat, suum erat. 54 Nm 31, 54 Et susceptum intulerunt in tabernaculum conventus in monumentum filiorum Israel coram Domino.
| | | Nm 31, 1-54 |
Verš 2
“ Ulciscere filios Israel de Madianitis et sic colligeris ad populum tuum ”.
Nm 25:17 - “ Pugnate contra Madianitas et percutite eos,
Nm 27:13 - Cumque videris eam, ibis et tu ad populum tuum, sicut ivit frater tuus Aaron,
Verš 8
et reges eorum Evi et Recem et Sur et Hur et Rebe, quinque principes gentis, Balaam quoque filium Beor interfecerunt gladio;
Joz 13:21 - et omnes urbes campestres universumque regnum Sehon regis Amorraei, qui regnavit in Hesebon, quem percussit Moyses, ipsum et principes Madian, Evi et Recem et Sur et Hur et Rebe, duces Sehon habitatores terrae.
Verš 41
Tradiditque Moyses tributum praelibationis Domini Eleazaro sacerdoti, sicut fuerat ei imperatum.
Nm 18:8 - Locutusque est Dominus ad Aaron: “ Ecce dedi tibi custodiam praelibationum mearum. Omnia, quae sanctificantur a filiis Israel, tradidi tibi et filiis tuis pro officio sacerdotali, legitima sempiterna.
Nm 18:19 - Omnes praelibationes sanctas, quas offerunt filii Israel Domino, tibi dedi et filiis ac filiabus tuis iure perpetuo: pactum salis est sempiternum coram Domino tibi ac filiis tuis ”.
Verš 11
et tulerunt praedam et universa, quae ceperant, tam ex hominibus quam ex iumentis,
Dt 20:14 - absque mulieribus et infantibus, iumentis et ceteris, quae in civitate sunt. Omnem praedam hanc diripies tibi et comedes de spoliis hostium tuorum, quae Dominus Deus tuus dederit tibi.
Verš 16
Nonne istae sunt, quae deceperunt filios Israel ad suggestionem Balaam et praevaricari vos fecerunt in Dominum super peccato Phegor, unde et percussus est populus Domini?
Nm 25:1 - Morabatur autem Israel in Settim, et incepit populus fornicari cum filiabus Moab,
Nm 25:18 - quia ipsi hostiliter egerunt contra vos et decepere insidiis per idolum Phegor et in negotio Cozbi filiae ducis Madian sororis eorum, quae percussa est in die plagae pro sacrilegio Phegor ”.
2Pt 2:15 - derelinquentes rectam viam erraverunt, secuti viam Balaam ex Bosor, qui mercedem iniquitatis amavit,
Zjv 2:14 - Sed habeo adversus te pauca, quia habes illic tenentes doctrinam Balaam, qui docebat Balac mittere scandalum coram filiis Israel, edere idolothyta et fornicari;
Verš 17
Ergo cunctos interficite parvulos generis masculini et omnes mulieres, quae noverunt viros in coitu, iugulate;
Sdc 21:11 - Et hoc erit, quod observare debetis: Omne generis masculini et mulieres, quae cognoverunt viros, interficite; virgines autem reservate ”.
Verš 53
Unusquisque enim, quod in praeda rapuerat, suum erat.
Dt 20:14 - absque mulieribus et infantibus, iumentis et ceteris, quae in civitate sunt. Omnem praedam hanc diripies tibi et comedes de spoliis hostium tuorum, quae Dominus Deus tuus dederit tibi.
Verš 23
omne, quod potest transire per flammas, igne purgabitur; quidquid autem ignem non potest sustinere, aqua expiationis sanctificabitur.
Nm 19:9 - Colliget autem vir mundus cineres vaccae et effundet eos extra castra in loco purissimo, ut sint congregationi filiorum Israel in custodiam pro aqua aspersionis.
Verš 27
dividesque ex aequo praedam inter eos, qui pugnaverunt egressique sunt ad bellum, et inter omnem congregationem.
1Sam 30:24 - nec audiet vos quisquam super sermone hoc; aequa enim pars erit descendentis ad proelium et remanentis ad sarcinas, et similiter divident ”.
Nm 31,1-3 - Madiánčania zviedli Izraelitov na zmyselnú modloslužbu, za ktorú Pán navštívil Izraelitov nákazou (25,6–18).
Nm 31,4 - Porov. Ex 18,25.
Nm 31,18 - Ony sa mali stať izraelskými otrokyňami a vedľajšími ženami izraelských mužov (Dt 21,10–14; Sdc 21,10–14).
Nm 31,52 - Šekel vážil 16,37 g, teda zlata bolo 274,197 kg (Ex 38,24).
Nm 31,54 - O pripomienke porov. Ex 28,12.
