Príslovia

Biblia - Sväté písmo

(VUL - Latinský - Nova Vulgata)

Prís 28, 1-28

1 Fugit impius, nemine persequente; iustus autem quasi leo confidens. 2 Propter peccata terrae multi principes eius; et propter hominem intellegentem et sapientem rectus ordo longior erit. 3 Vir pauper et calumnians pauperes similis est imbri vehementi, in quo paratur fames. 4 Qui derelinquunt legem, laudant impium; qui custodiunt, succenduntur contra eum. 5 Viri mali non intellegunt iudicium; qui autem requirunt Dominum, animadvertunt omnia. 6 Melior est pauper ambulans in simplicitate sua quam perversus in viis suis, quamquam dives. 7 Qui custodit legem, filius sapiens est; qui autem comissatores pascit, confundit patrem suum. 8 Qui coacervat divitias suas usuris et fenore, liberali in pauperes congregat eas. 9 Qui declinat aures suas, ne audiat legem, oratio quoque eius erit exsecrabilis. 10 Qui decipit iustos in via mala, in interitu suo corruet, et simplices possidebunt bona eius. 11 Sapiens sibi videtur vir dives, pauper autem prudens scrutabitur eum. 12 In exsultatione iustorum multa gloria est, et, cum exaltantur impii, abscondit se homo. 13 Qui abscondit scelera sua, non prosperabit; qui autem confessus fuerit et reliquerit ea, misericordiam consequetur. 14 Beatus homo, qui semper est pavidus; qui vero indurat cor suum, corruet in malum. 15 Leo rugiens et ursus esuriens princeps impius super populum pauperem. 16 Dux indigens prudentia multos opprimet; qui autem odit avaritiam, longi fient dies eius. 17 Hominem, animae cuiusdam sanguine gravatum, si usque ad lacum fugerit, nemo sustineat. 18 Qui ambulat simpliciter, salvus erit; qui perversis graditur viis, subito concidet. 19 Qui operatur terram suam, satiabitur panibus; qui autem sectatur otium, replebitur egestate. 20 Vir fidelis multum laudabitur; qui autem festinat ditari, non erit innocens. 21 Qui dignoscit in iudicio faciem, non benefacit; et pro buccella panis praevaricatur homo. 22 Festinat ditari vir invidus, ignorat quod egestas superveniet ei. 23 Qui corripit hominem, gratiam postea inveniet magis quam ille, qui lingua blanditur. 24 Qui abripit aliquid a patre suo et a matre et dicit: “ Hoc non est peccatum ”, particeps homicidae est. 25 Qui desiderium dilatat, iurgia concitat; qui vero sperat in Domino, impinguabitur. 26 Qui confidit in corde suo, stultus est; qui autem graditur sapienter, ipse salvabitur. 27 Qui dat pauperi, non indigebit; qui autem occultat oculos, abundabit maledictis. 28 Cum surrexerint impii, abscondentur homines; cum illi perierint, multiplicabuntur iusti.

Verš 1

Fugit impius, nemine persequente; iustus autem quasi leo confidens.

Lv 26:36 - Et, qui de vobis remanserint, dabo pavorem in cordibus eorum in regionibus hostium; terrebit eos sonitus folii volantis, et ita fugient quasi gladium; cadent, nullo persequente.

Dt 28:28 - Percutiet te Dominus amentia et caecitate ac stupore mentis;

Iz 57:21 - Non est pax impiis, dicit Deus meus.

Verš 6

Melior est pauper ambulans in simplicitate sua quam perversus in viis suis, quamquam dives.

Prís 19:1 - Melior est pauper, qui ambulat in simplicitate sua, quam qui torquet labia et est insipiens.

Verš 7

Qui custodit legem, filius sapiens est; qui autem comissatores pascit, confundit patrem suum.

Prís 29:3 - Vir, qui amat sapientiam, laetificat patrem suum; qui autem nutrit scorta, perdet substantiam.

Verš 10

Qui decipit iustos in via mala, in interitu suo corruet, et simplices possidebunt bona eius.

Prís 26:27 - Qui fodit foveam, incidet in eam; et, qui volvit lapidem, revertetur ad eum.

Verš 12

In exsultatione iustorum multa gloria est, et, cum exaltantur impii, abscondit se homo.

Prís 11:10 - In bonis iustorum exsultabit civitas, et in perditione impiorum erit laudatio.

Prís 28:28 - Cum surrexerint impii, abscondentur homines; cum illi perierint, multiplicabuntur iusti.

Verš 13

Qui abscondit scelera sua, non prosperabit; qui autem confessus fuerit et reliquerit ea, misericordiam consequetur.

Ž 32:3 - Quoniam tacui, inveteraverunt ossa mea, dum rugirem tota die.

Ž 32:5 - Peccatum meum cognitum tibi feci et delictum meum non abscondi. Dixi: “ Confitebor adversum me iniquitatem meam Domino ”. Et tu remisisti impietatem peccati mei.

1Jn 1:9 - Si confiteamur peccata nostra, fidelis est et iustus, ut remittat nobis peccata et emundet nos ab omni iniustitia.

Verš 20

Vir fidelis multum laudabitur; qui autem festinat ditari, non erit innocens.

Prís 13:11 - Substantia festinata minuetur; qui autem colligit manu, multiplicat.

Prís 20:21 - Hereditas, ad quam festinatur in principio, in novissimo benedictione carebit.

Prís 23:4 - Noli laborare, ut diteris, sed in prudentia tua acquiesce.

Verš 21

Qui dignoscit in iudicio faciem, non benefacit; et pro buccella panis praevaricatur homo.

Prís 18:5 - Accipere personam impii non est bonum, ut declines iustum in iudicio.

Prís 24:23 - Haec quoque sapientibus: Dignoscere personam in iudicio non est bonum.

Verš 25

Qui desiderium dilatat, iurgia concitat; qui vero sperat in Domino, impinguabitur.

Prís 13:10 - Inter superbos tantum iurgia sunt, et apud humiles sapientia.

Prís 15:18 - Vir iracundus provocat rixas; qui patiens est, mitigat lites.

Prís 29:22 - Vir iracundus provocat rixas; et, qui ad indignandum facilis est, erit ad peccandum proclivior.

Verš 27

Qui dat pauperi, non indigebit; qui autem occultat oculos, abundabit maledictis.

Dt 15:7 - Si unus de fratribus tuis, qui morantur in una civitatum tuarum in terra, quam Dominus Deus tuus daturus est tibi, ad paupertatem venerit, non obdurabis cor tuum nec contrahes manum;

Dt 15:10 - Sed dabis ei, nec contristabitur cor tuum in eius necessitatibus sublevandis, nam propter hoc benedicet tibi Dominus Deus tuus in omni opere tuo et in cunctis, ad quae manum miseris.

Prís 19:7 - Omnes fratres hominis pauperis oderunt eum, insu7per et amici procul recesserunt ab eo; qui tantum verba sectatur, nihil habebit.

Prís 22:9 - Qui bono oculo est, benedicetur, de panibus enim suis dedit pauperi.

Verš 28

Cum surrexerint impii, abscondentur homines; cum illi perierint, multiplicabuntur iusti.

Prís 28:12 - In exsultatione iustorum multa gloria est, et, cum exaltantur impii, abscondit se homo.

Pris 28,2 - V krajine, kde bujnie bezprávie a násilenstvo, kde sa šliapu prikázania Božie, dôjde k prevratom a vzburám skôr či neskôr (porov. 1 Kr 16,8–28; 2 Kr 15,8–15). Poriadok a právo zachovávajú sa len tam, kde sa poddaný ľud riadi múdrosťou a náboženstvom.

Pris 28,8 - Neslobodno bolo Židom žiadať úrok od Izraelitu (porov. Ex 22,25; Lv 25,36). Vydriducha potrestá Boh tak, že jeho majetok dá milosrdným ľuďom.