výhody registrácie

Príslovia

Biblia - Sväté písmo

(VUL - Latinský - Nova Vulgata)

Prís 18, 1-24

1 Occasiones quaerit, qui vult recedere ab amico; omni consilio exacerbatur. 2 Non delectatur stultus prudentia sed in revelatione cordis sui. 3 Cum venerit impius, veniet et contemptio, et cum ignominia opprobrium. 4 Aqua profunda verba ex ore viri, et torrens redundans fons sapientiae. 5 Accipere personam impii non est bonum, ut declines iustum in iudicio. 6 Labia stulti miscent se rixis, et os eius plagas provocat. 7 Os stulti ruina eius, et labia ipsius laqueus animae eius. 8 Verba susurronis quasi dulcia, et ipsa perveniunt usque ad interiora ventris. 9 Qui mollis et dissolutus est in opere suo, frater est viri dissipantis. 10 Turris fortissima nomen Domini; ad ipsum currit iustus et exaltabitur. 11 Substantia divitis urbs roboris eius et quasi murus excelsus in cogitatione eius. 12 Antequam conteratur, exaltatur cor hominis; et, antequam glorificetur, humiliatur. 13 Qui prius respondet quam audiat, stultitia est ei et contumelia. 14 Spiritus viri sustentat imbecillitatem suam; spiritum vero confractum, quis poterit sustinere? 15 Cor prudens possidebit scientiam, et auris sapientium quaerit doctrinam. 16 Donum hominis dilatat viam eius et ante principes deducit eum. 17 Qui prior in contentione loquitur, putatur iustus; venit amicus eius et arguet eum. 18 Lites comprimit sors et inter potentes quoque diiudicat. 19 Frater, qui offenditur, durior est civitate firma, et lites quasi vectes urbium. 20 De fructu oris viri replebitur venter eius, et genimina labiorum ipsius saturabunt eum. 21 Mors et vita in manu linguae; qui diligunt eam, comedent fructus eius. 22 Qui invenit mulierem bonam, invenit bonum et hausit gratiam a Domino. 23 Cum obsecrationibus loquetur pauper, et dives effabitur rigide. 24 Vir cum amicis concuti potest, sed est amicus, qui adhaereat magis quam frater.

Prís 18, 1-24





Verš 5
Accipere personam impii non est bonum, ut declines iustum in iudicio.
Lv 19:15 - Non facietis, quod iniquum est in iudicio. Non consideres personam pauperis nec honores vultum potentis. Iuste iudica proximo tuo.
Dt 1:17 - Non accipietis personam in iudicio; ita parvum audietis ut magnum nec timebitis cuiusquam personam, quia Dei iudicium est. Quod si difficile vobis aliquid visum fuerit, referte ad me, et ego audiam.
Dt 16:19 - Non declinabis iudicium. Non accipies personam nec munera, quia munera excaecant oculos sapientum et mutant causas iustorum.
Prís 24:23 - Haec quoque sapientibus: Dignoscere personam in iudicio non est bonum.

Verš 7
Os stulti ruina eius, et labia ipsius laqueus animae eius.
Prís 10:14 - Sapientes recondunt scientiam, os autem stulti ruinae proximum est.
Prís 13:3 - Qui custodit os suum, custodit animam suam; qui autem incautus est eloquio, ruina est ei.
Prís 12:13 - Propter peccata labiorum irretitur malus, effugiet autem iustus de angustia.

Verš 8
Verba susurronis quasi dulcia, et ipsa perveniunt usque ad interiora ventris.
Prís 26:22 - Verba susurronis quasi dulcia et ipsa perveniunt ad intima ventris.

Verš 10
Turris fortissima nomen Domini; ad ipsum currit iustus et exaltabitur.
2Sam 22:51 - Magnificat salutes regis sui et facit misericordiam christo suo David et semini eius in sempiternum ”.
Ž 18:2 - et e manu Saul. Dixit igitur: Diligam te, Domine, fortitudo mea.
Ž 61:3 - A finibus terrae ad te clamavi, dum anxiaretur cor meum. In petram inaccessam mihi deduc me!
Prís 29:25 - Timor hominis inducit laqueum; qui sperat in Domino, sublevabitur.

Verš 11
Substantia divitis urbs roboris eius et quasi murus excelsus in cogitatione eius.
Prís 10:15 - Substantia divitis urbs fortitudinis eius, ruina pauperum egestas eorum.

Verš 12
Antequam conteratur, exaltatur cor hominis; et, antequam glorificetur, humiliatur.
Prís 11:2 - Venit superbia, veniet et contumelia; apud humiles autem sapientia.
Prís 16:18 - Contritionem praecedit superbia, et ante ruinam exaltatio spiritus.
Prís 15:33 - Timor Domini disciplina sapientiae, et gloriam praecedit humilitas.

Verš 17
Qui prior in contentione loquitur, putatur iustus; venit amicus eius et arguet eum.
Prís 25:8 - Quae viderunt oculi tui, ne proferas in iurgio cito, quoniam quid facies postea, cum dehonestaverit te amicus tuus?

Verš 20
De fructu oris viri replebitur venter eius, et genimina labiorum ipsius saturabunt eum.
Prís 12:14 - De fructu oris sui unusquisque replebitur bonis, et iuxta opera manuum suarum retribuetur ei.
Prís 13:2 - De fructu oris sui homo satiabitur bonis, anima autem praevaricatorum violentia.

Verš 21
Mors et vita in manu linguae; qui diligunt eam, comedent fructus eius.
Prís 21:23 - Qui custodit os suum et linguam suam, custodit ab angustiis animam suam.
Jak 3:2 - In multis enim offendimus omnes. Si quis in verbo non offendit, hic perfectus est vir, potens etiam freno circumducere totum corpus.

Verš 22
Qui invenit mulierem bonam, invenit bonum et hausit gratiam a Domino.
Prís 19:14 - Domus et divitiae hereditas patrum, a Domino autem uxor prudens.

Verš 24
Vir cum amicis concuti potest, sed est amicus, qui adhaereat magis quam frater.
Prís 17:17 - Omni tempore diligit, qui amicus est, et frater ad angustiam natus est.

Pris 18,14 - Zlomený duch sa dá ťažko liečiť.

Pris 18,22 - Vo Vulg je tu vsuvka:"Kto dobrú ženu vyháňa, ten šťastie vyháňa;ten však, kto drží ženu záletnú,je pochábeľ a bezbožník."