výhody registrácie

Príslovia

Biblia - Sväté písmo

(HEM - Hebrejský - Moderný)

Prís 12, 1-28

1 אהב מוסר אהב דעת ושנא תוכחת בער׃ 2 טוב יפיק רצון מיהוה ואיש מזמות ירשיע׃ 3 לא יכון אדם ברשע ושרש צדיקים בל ימוט׃ 4 אשת חיל עטרת בעלה וכרקב בעצמותיו מבישה׃ 5 מחשבות צדיקים משפט תחבלות רשעים מרמה׃ 6 דברי רשעים ארב דם ופי ישרים יצילם׃ 7 הפוך רשעים ואינם ובית צדיקים יעמד׃ 8 לפי שכלו יהלל איש ונעוה לב יהיה לבוז׃ 9 טוב נקלה ועבד לו ממתכבד וחסר לחם׃ 10 יודע צדיק נפש בהמתו ורחמי רשעים אכזרי׃ 11 עבד אדמתו ישבע לחם ומרדף ריקים חסר לב׃ 12 חמד רשע מצוד רעים ושרש צדיקים יתן׃ 13 בפשע שפתים מוקש רע ויצא מצרה צדיק׃ 14 מפרי פי איש ישבע טוב וגמול ידי אדם ישוב לו׃ 15 דרך אויל ישר בעיניו ושמע לעצה חכם׃ 16 אויל ביום יודע כעסו וכסה קלון ערום׃ 17 יפיח אמונה יגיד צדק ועד שקרים מרמה׃ 18 יש בוטה כמדקרות חרב ולשון חכמים מרפא׃ 19 שפת אמת תכון לעד ועד ארגיעה לשון שקר׃ 20 מרמה בלב חרשי רע וליעצי שלום שמחה׃ 21 לא יאנה לצדיק כל און ורשעים מלאו רע׃ 22 תועבת יהוה שפתי שקר ועשי אמונה רצונו׃ 23 אדם ערום כסה דעת ולב כסילים יקרא אולת׃ 24 יד חרוצים תמשול ורמיה תהיה למס׃ 25 דאגה בלב איש ישחנה ודבר טוב ישמחנה׃ 26 יתר מרעהו צדיק ודרך רשעים תתעם׃ 27 לא יחרך רמיה צידו והון אדם יקר חרוץ׃ 28 בארח צדקה חיים ודרך נתיבה אל מות׃

Prís 12, 1-28





Verš 3
לא יכון אדם ברשע ושרש צדיקים בל ימוט׃
Prís 10:25 - כעבור סופה ואין רשע וצדיק יסוד עולם׃

Verš 4
אשת חיל עטרת בעלה וכרקב בעצמותיו מבישה׃
1Kor 11:7 - והאיש איננו חיב לכסות את ראשו כי הוא צלם אלהים וכבודו אבל האשה היא כבוד האיש׃

Verš 6
דברי רשעים ארב דם ופי ישרים יצילם׃
Prís 1:11 - אם יאמרו לכה אתנו נארבה לדם נצפנה לנקי חנם׃
Prís 1:18 - והם לדמם יארבו יצפנו לנפשתם׃
Prís 11:9 - בפה חנף ישחת רעהו ובדעת צדיקים יחלצו׃

Verš 7
הפוך רשעים ואינם ובית צדיקים יעמד׃
Ž 37:36 - ויעבר והנה איננו ואבקשהו ולא נמצא׃
Prís 11:21 - יד ליד לא ינקה רע וזרע צדיקים נמלט׃

Verš 9
טוב נקלה ועבד לו ממתכבד וחסר לחם׃
Prís 13:7 - יש מתעשר ואין כל מתרושש והון רב׃

Verš 10
יודע צדיק נפש בהמתו ורחמי רשעים אכזרי׃
Dt 25:4 - לא תחסם שור בדישו׃

Verš 11
עבד אדמתו ישבע לחם ומרדף ריקים חסר לב׃
Prís 28:19 - עבד אדמתו ישבע לחם ומרדף רקים ישבע ריש׃

Verš 13
בפשע שפתים מוקש רע ויצא מצרה צדיק׃
Prís 10:14 - חכמים יצפנו דעת ופי אויל מחתה קרבה׃
Prís 18:7 - פי כסיל מחתה לו ושפתיו מוקש נפשו׃

Verš 14
מפרי פי איש ישבע טוב וגמול ידי אדם ישוב לו׃
Prís 13:2 - מפרי פי איש יאכל טוב ונפש בגדים חמס׃

Verš 15
דרך אויל ישר בעיניו ושמע לעצה חכם׃
Prís 3:7 - אל תהי חכם בעיניך ירא את יהוה וסור מרע׃

Verš 17
יפיח אמונה יגיד צדק ועד שקרים מרמה׃
Prís 14:5 - עד אמונים לא יכזב ויפיח כזבים עד שקר׃

Verš 18
יש בוטה כמדקרות חרב ולשון חכמים מרפא׃
Ž 57:4 - נפשי בתוך לבאם אשכבה להטים בני אדם שניהם חנית וחצים ולשונם חרב חדה׃
Ž 59:7 - הנה יביעון בפיהם חרבות בשפתותיהם כי מי שמע׃
Prís 16:27 - איש בליעל כרה רעה ועל שפתיו כאש צרבת׃

Verš 23
אדם ערום כסה דעת ולב כסילים יקרא אולת׃
Prís 13:16 - כל ערום יעשה בדעת וכסיל יפרש אולת׃
Prís 15:2 - לשון חכמים תיטיב דעת ופי כסילים יביע אולת׃

Verš 24
יד חרוצים תמשול ורמיה תהיה למס׃
Prís 10:4 - ראש עשה כף רמיה ויד חרוצים תעשיר׃

Verš 25
דאגה בלב איש ישחנה ודבר טוב ישמחנה׃
Prís 15:13 - לב שמח ייטב פנים ובעצבת לב רוח נכאה׃

Pris 12,3 - Porov. 10,25.

Pris 12,4 - Porov. 1 Kr 11,7–8; 31,10 n. Porov. naše porekadlo: "Koho chce Boh potrestať, dá mu planú ženu."

Pris 12,12 - Preklad verša s opravami pôvodného textu.

Pris 12,19 - Lož má krátke nohy.

Pris 12,26 - Spravodlivý dôjde k cieľu. – Preklad v prvom polverši je s korektúrou textu.