Žalmy

Biblia - Sväté písmo

(HEM - Hebrejský - Moderný)

Ž 9, 1-20

1 למנצח עלמות לבן מזמור לדוד אודה יהוה בכל לבי אספרה כל נפלאותיך׃ 2 אשמחה ואעלצה בך אזמרה שמך עליון׃ 3 בשוב אויבי אחור יכשלו ויאבדו מפניך׃ 4 כי עשית משפטי ודיני ישבת לכסא שופט צדק׃ 5 גערת גוים אבדת רשע שמם מחית לעולם ועד׃ 6 האויב תמו חרבות לנצח וערים נתשת אבד זכרם המה׃ 7 ויהוה לעולם ישב כונן למשפט כסאו׃ 8 והוא ישפט תבל בצדק ידין לאמים במישרים׃ 9 ויהי יהוה משגב לדך משגב לעתות בצרה׃ 10 ויבטחו בך יודעי שמך כי לא עזבת דרשיך יהוה׃ 11 זמרו ליהוה ישב ציון הגידו בעמים עלילותיו׃ 12 כי דרש דמים אותם זכר לא שכח צעקת עניים׃ 13 חננני יהוה ראה עניי משנאי מרוממי משערי מות׃ 14 למען אספרה כל תהלתיך בשערי בת ציון אגילה בישועתך׃ 15 טבעו גוים בשחת עשו ברשת זו טמנו נלכדה רגלם׃ 16 נודע יהוה משפט עשה בפעל כפיו נוקש רשע הגיון סלה׃ 17 ישובו רשעים לשאולה כל גוים שכחי אלהים׃ 18 כי לא לנצח ישכח אביון תקות ענוים תאבד לעד׃ 19 קומה יהוה אל יעז אנוש ישפטו גוים על פניך׃ 20 שיתה יהוה מורה להם ידעו גוים אנוש המה סלה׃

Verš 8

והוא ישפט תבל בצדק ידין לאמים במישרים׃

Ž 96:13 - לפני יהוה כי בא כי בא לשפט הארץ ישפט תבל בצדק ועמים באמונתו׃

Ž 98:9 - לפני יהוה כי בא לשפט הארץ ישפט תבל בצדק ועמים במישרים׃

Verš 9

ויהי יהוה משגב לדך משגב לעתות בצרה׃

Ž 37:39 - ותשועת צדיקים מיהוה מעוזם בעת צרה׃

Ž 46:1 - למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

Ž 91:2 - אמר ליהוה מחסי ומצודתי אלהי אבטח בו׃

Verš 15

טבעו גוים בשחת עשו ברשת זו טמנו נלכדה רגלם׃

Ž 7:15 - בור כרה ויחפרהו ויפל בשחת יפעל׃