Žalmy

Biblia - Sväté písmo

(HEM - Hebrejský - Moderný)

Ž 7, 1-17

1 שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃ 2 פן יטרף כאריה נפשי פרק ואין מציל׃ 3 יהוה אלהי אם עשיתי זאת אם יש עול בכפי׃ 4 אם גמלתי שולמי רע ואחלצה צוררי ריקם׃ 5 ירדף אויב נפשי וישג וירמס לארץ חיי וכבודי לעפר ישכן סלה׃ 6 קומה יהוה באפך הנשא בעברות צוררי ועורה אלי משפט צוית׃ 7 ועדת לאמים תסובבך ועליה למרום שובה׃ 8 יהוה ידין עמים שפטני יהוה כצדקי וכתמי עלי׃ 9 יגמר נא רע רשעים ותכונן צדיק ובחן לבות וכליות אלהים צדיק׃ 10 מגני על אלהים מושיע ישרי לב׃ 11 אלהים שופט צדיק ואל זעם בכל יום׃ 12 אם לא ישוב חרבו ילטוש קשתו דרך ויכוננה׃ 13 ולו הכין כלי מות חציו לדלקים יפעל׃ 14 הנה יחבל און והרה עמל וילד שקר׃ 15 בור כרה ויחפרהו ויפל בשחת יפעל׃ 16 ישוב עמלו בראשו ועל קדקדו חמסו ירד׃ 17 אודה יהוה כצדקו ואזמרה שם יהוה עליון׃

Verš 9

יגמר נא רע רשעים ותכונן צדיק ובחן לבות וכליות אלהים צדיק׃

1Krn 28:9 - ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃

Jer 11:20 - ויהוה צבאות שפט צדק בחן כליות ולב אראה נקמתך מהם כי אליך גליתי את ריבי׃

Jer 17:10 - אני יהוה חקר לב בחן כליות ולתת לאיש כדרכו כפרי מעלליו׃

Jer 20:12 - ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי׃

Zjv 2:23 - והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו׃

Verš 14

הנה יחבל און והרה עמל וילד שקר׃

Jób 15:35 - הרה עמל וילד און ובטנם תכין מרמה׃

Iz 59:4 - אין קרא בצדק ואין נשפט באמונה בטוח על תהו ודבר שוא הרו עמל והוליד און׃

Verš 15

בור כרה ויחפרהו ויפל בשחת יפעל׃

Jób 4:8 - כאשר ראיתי חרשי און וזרעי עמל יקצרהו׃

Ž 9:15 - טבעו גוים בשחת עשו ברשת זו טמנו נלכדה רגלם׃

Ž 10:2 - בגאות רשע ידלק עני יתפשו במזמות זו חשבו׃

Prís 5:22 - עוונותיו ילכדנו את הרשע ובחבלי חטאתו יתמך׃

Prís 26:27 - כרה שחת בה יפל וגלל אבן אליו תשוב׃

Kaz 10:8 - חפר גומץ בו יפול ופרץ גדר ישכנו נחש׃

Z 7,1 - Kto je Kúša? Pravdepodobne bol to jeden zo Šaulových dvoranov alebo vodcov, ktorí nenávideli Dávida a za každú cenu sa snažili zbaviť sa ho.

Z 7,7 - "Vystúp na súde, ktorý si ty nariadil", značí skutočnosť, že Boh dobrých ochraňuje a zlých tresce, ale tu môže byť aj náznakom všeobecného súdu, ktorý proroci volajú "dňom Pánovým", tým viac, že v nasledujúcom verši prechádza myšlienka od súdu nad jednotlivcami na súd všeobecný.

Z 7,9 - "Súď ma, Pane, podľa mojej spravodlivosti". Žalmista prichádza pred trón Sudcu a dôverujúc v svoju nevinnosť, žiada o rozsudok. Hovorí nielen za seba, ale za všetkých spravodlivých. Tu treba vidieť aj centrálnu ideu celého žalmu.