Žalmy

Biblia - Sväté písmo

(HEM - Hebrejský - Moderný)

Ž 35, 1-28

1 לדוד ריבה יהוה את יריבי לחם את לחמי׃ 2 החזק מגן וצנה וקומה בעזרתי׃ 3 והרק חנית וסגר לקראת רדפי אמר לנפשי ישעתך אני׃ 4 יבשו ויכלמו מבקשי נפשי יסגו אחור ויחפרו חשבי רעתי׃ 5 יהיו כמץ לפני רוח ומלאך יהוה דוחה׃ 6 יהי דרכם חשך וחלקלקות ומלאך יהוה רדפם׃ 7 כי חנם טמנו לי שחת רשתם חנם חפרו לנפשי׃ 8 תבואהו שואה לא ידע ורשתו אשר טמן תלכדו בשואה יפל בה׃ 9 ונפשי תגיל ביהוה תשיש בישועתו׃ 10 כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃ 11 יקומון עדי חמס אשר לא ידעתי ישאלוני׃ 12 ישלמוני רעה תחת טובה שכול לנפשי׃ 13 ואני בחלותם לבושי שק עניתי בצום נפשי ותפלתי על חיקי תשוב׃ 14 כרע כאח לי התהלכתי כאבל אם קדר שחותי׃ 15 ובצלעי שמחו ונאספו נאספו עלי נכים ולא ידעתי קרעו ולא דמו׃ 16 בחנפי לעגי מעוג חרק עלי שנימו׃ 17 אדני כמה תראה השיבה נפשי משאיהם מכפירים יחידתי׃ 18 אודך בקהל רב בעם עצום אהללך׃ 19 אל ישמחו לי איבי שקר שנאי חנם יקרצו עין׃ 20 כי לא שלום ידברו ועל רגעי ארץ דברי מרמות יחשבון׃ 21 וירחיבו עלי פיהם אמרו האח האח ראתה עינינו׃ 22 ראיתה יהוה אל תחרש אדני אל תרחק ממני׃ 23 העירה והקיצה למשפטי אלהי ואדני לריבי׃ 24 שפטני כצדקך יהוה אלהי ואל ישמחו לי׃ 25 אל יאמרו בלבם האח נפשנו אל יאמרו בלענוהו׃ 26 יבשו ויחפרו יחדו שמחי רעתי ילבשו בשת וכלמה המגדילים עלי׃ 27 ירנו וישמחו חפצי צדקי ויאמרו תמיד יגדל יהוה החפץ שלום עבדו׃ 28 ולשוני תהגה צדקך כל היום תהלתך׃

Verš 18

אודך בקהל רב בעם עצום אהללך׃

Ž 40:9 - בשרתי צדק בקהל רב הנה שפתי לא אכלא יהוה אתה ידעת׃

Ž 111:1 - הללו יה אודה יהוה בכל לבב בסוד ישרים ועדה׃

Verš 19

אל ישמחו לי איבי שקר שנאי חנם יקרצו עין׃

Jn 15:25 - אך למלאת דבר הכתוב בתורתם שנאת חנם שנאוני׃

Verš 4

יבשו ויכלמו מבקשי נפשי יסגו אחור ויחפרו חשבי רעתי׃

Ž 40:14 - יבשו ויחפרו יחד מבקשי נפשי לספותה יסגו אחור ויכלמו חפצי רעתי׃

Ž 70:2 - יבשו ויחפרו מבקשי נפשי יסגו אחור ויכלמו חפצי רעתי׃

Verš 5

יהיו כמץ לפני רוח ומלאך יהוה דוחה׃

Jób 21:18 - יהיו כתבן לפני רוח וכמץ גנבתו סופה׃

Ž 1:4 - לא כן הרשעים כי אם כמץ אשר תדפנו רוח׃

Iz 29:5 - והיה כאבק דק המון זריך וכמץ עבר המון עריצים והיה לפתע פתאם׃

Oz 13:3 - לכן יהיו כענן בקר וכטל משכים הלך כמץ יסער מגרן וכעשן מארבה׃

Z 35 - Mnohí cirkevní Otcovia slová tohto žalmu kladú na pery Ježiša Krista. Žalmista je tu predobrazom Mesiáša a jeho slová a utrpenie sú predobrazom slov a utrpenia Ježiša Krista, ako to vysvitá z evanjelia (Jn 15,25), kde sa 19. verš tohto žalmu uvádza v spojení s Ježišovým utrpením.

Z 35,2 - Pán má byť najspoľahlivejšou ochranou v tiesni.

Z 35,17 - Porov. 22,21-22.