výhody registrácie

Žalmy

Biblia - Sväté písmo

(HEM - Hebrejský - Moderný)

Ž 34, 1-22

1 לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃ 2 ביהוה תתהלל נפשי ישמעו ענוים וישמחו׃ 3 גדלו ליהוה אתי ונרוממה שמו יחדו׃ 4 דרשתי את יהוה וענני ומכל מגורותי הצילני׃ 5 הביטו אליו ונהרו ופניהם אל יחפרו׃ 6 זה עני קרא ויהוה שמע ומכל צרותיו הושיעו׃ 7 חנה מלאך יהוה סביב ליראיו ויחלצם׃ 8 טעמו וראו כי טוב יהוה אשרי הגבר יחסה בו׃ 9 יראו את יהוה קדשיו כי אין מחסור ליראיו׃ 10 כפירים רשו ורעבו ודרשי יהוה לא יחסרו כל טוב׃ 11 לכו בנים שמעו לי יראת יהוה אלמדכם׃ 12 מי האיש החפץ חיים אהב ימים לראות טוב׃ 13 נצר לשונך מרע ושפתיך מדבר מרמה׃ 14 סור מרע ועשה טוב בקש שלום ורדפהו׃ 15 עיני יהוה אל צדיקים ואזניו אל שועתם׃ 16 פני יהוה בעשי רע להכרית מארץ זכרם׃ 17 צעקו ויהוה שמע ומכל צרותם הצילם׃ 18 קרוב יהוה לנשברי לב ואת דכאי רוח יושיע׃ 19 רבות רעות צדיק ומכלם יצילנו יהוה׃ 20 שמר כל עצמותיו אחת מהנה לא נשברה׃ 21 תמותת רשע רעה ושנאי צדיק יאשמו׃ 22 פודה יהוה נפש עבדיו ולא יאשמו כל החסים בו׃

Ž 34, 1-22





Verš 1
לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃
1Sam 21:13 - וישנו את טעמו בעיניהם ויתהלל בידם ויתו על דלתות השער ויורד רירו אל זקנו׃

Verš 10
כפירים רשו ורעבו ודרשי יהוה לא יחסרו כל טוב׃
Jób 4:11 - ליש אבד מבלי טרף ובני לביא יתפרדו׃

Verš 12
מי האיש החפץ חיים אהב ימים לראות טוב׃
1Pt 3:10 - כי האיש החפץ חיים אהב ימים לראות טוב יצר לשונו מרע ושפתיו מדבר מרמה׃

Verš 14
סור מרע ועשה טוב בקש שלום ורדפהו׃
Heb 12:14 - רדפו את השלום עם כל אדם ואת הקדשה אשר בלעדיה לא יראה איש את האדון׃

Verš 15
עיני יהוה אל צדיקים ואזניו אל שועתם׃
Jób 36:7 - לא יגרע מצדיק עיניו ואת מלכים לכסא וישיבם לנצח ויגבהו׃
Ž 33:18 - הנה עין יהוה אל יראיו למיחלים לחסדו׃
1Pt 3:12 - כי עיני יהוה אל צדיקים ואזניו אל שועתם ופני יהוה בעשי רע׃

Verš 18
קרוב יהוה לנשברי לב ואת דכאי רוח יושיע׃
2Tim 3:11 - וברדיפות ובענוים אשר מצאוני באנטיוכיא ובאקוניא ובלוסטרא ואלה הרדיפות סבלתי ומכלן הצילני האדון׃

Verš 19
רבות רעות צדיק ומכלם יצילנו יהוה׃
2Tim 3:12 - וגם כל החפצים לחיות חיי חסידות במשיח ישוע המה ירדפו׃

Verš 20
שמר כל עצמותיו אחת מהנה לא נשברה׃
Jn 19:36 - כי כל זאת היתה למלאת הכתוב ועצם לא תשברו בו׃

Z 34 - Poučný alfabetický žalm, ale poradie veršov je porušené.

Z 34,1 - Porov. 1 Sam 21,11-16.