výhody registrácie

Žalmy

Biblia - Sväté písmo

(HEM - Hebrejský - Moderný)

Ž 33, 1-22

1 רננו צדיקים ביהוה לישרים נאוה תהלה׃ 2 הודו ליהוה בכנור בנבל עשור זמרו לו׃ 3 שירו לו שיר חדש היטיבו נגן בתרועה׃ 4 כי ישר דבר יהוה וכל מעשהו באמונה׃ 5 אהב צדקה ומשפט חסד יהוה מלאה הארץ׃ 6 בדבר יהוה שמים נעשו וברוח פיו כל צבאם׃ 7 כנס כנד מי הים נתן באצרות תהומות׃ 8 ייראו מיהוה כל הארץ ממנו יגורו כל ישבי תבל׃ 9 כי הוא אמר ויהי הוא צוה ויעמד׃ 10 יהוה הפיר עצת גוים הניא מחשבות עמים׃ 11 עצת יהוה לעולם תעמד מחשבות לבו לדר ודר׃ 12 אשרי הגוי אשר יהוה אלהיו העם בחר לנחלה לו׃ 13 משמים הביט יהוה ראה את כל בני האדם׃ 14 ממכון שבתו השגיח אל כל ישבי הארץ׃ 15 היצר יחד לבם המבין אל כל מעשיהם׃ 16 אין המלך נושע ברב חיל גבור לא ינצל ברב כח׃ 17 שקר הסוס לתשועה וברב חילו לא ימלט׃ 18 הנה עין יהוה אל יראיו למיחלים לחסדו׃ 19 להציל ממות נפשם ולחיותם ברעב׃ 20 נפשנו חכתה ליהוה עזרנו ומגננו הוא׃ 21 כי בו ישמח לבנו כי בשם קדשו בטחנו׃ 22 יהי חסדך יהוה עלינו כאשר יחלנו לך׃

Ž 33, 1-22





Verš 1
רננו צדיקים ביהוה לישרים נאוה תהלה׃
Ž 147:1 - הללו יה כי טוב זמרה אלהינו כי נעים נאוה תהלה׃

Verš 3
שירו לו שיר חדש היטיבו נגן בתרועה׃
Ž 40:3 - ויתן בפי שיר חדש תהלה לאלהינו יראו רבים וייראו ויבטחו ביהוה׃
Ž 96:1 - שירו ליהוה שיר חדש שירו ליהוה כל הארץ׃
Ž 98:1 - מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃
Ž 144:9 - אלהים שיר חדש אשירה לך בנבל עשור אזמרה לך׃
Iz 42:10 - שירו ליהוה שיר חדש תהלתו מקצה הארץ יורדי הים ומלאו איים וישביהם׃
Zjv 5:9 - וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃
Zjv 14:3 - וישירו כשיר חדש לפני הכסא ולפני ארבע החיות ולפני הזקנים ואין איש אשר יכל ללמד את השיר זולתי מאת האלף וארבעים וארבעת האלפים ההם אשר נקנו מן הארץ׃

Verš 5
אהב צדקה ומשפט חסד יהוה מלאה הארץ׃
Ž 45:7 - אהבת צדק ותשנא רשע על כן משחך אלהים אלהיך שמן ששון מחבריך׃
Heb 1:9 - אהבת צדק ותשנא רשע על כן משחך אלהים אלהיך שמן ששון מחבריך׃
Ž 119:64 - חסדך יהוה מלאה הארץ חקיך למדני׃

Verš 6
בדבר יהוה שמים נעשו וברוח פיו כל צבאם׃
Gn 1:6 - ויאמר אלהים יהי רקיע בתוך המים ויהי מבדיל בין מים למים׃

Verš 10
יהוה הפיר עצת גוים הניא מחשבות עמים׃
Iz 19:3 - ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים׃

Verš 11
עצת יהוה לעולם תעמד מחשבות לבו לדר ודר׃
Prís 19:21 - רבות מחשבות בלב איש ועצת יהוה היא תקום׃
Prís 21:30 - אין חכמה ואין תבונה ואין עצה לנגד יהוה׃
Iz 46:10 - מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

Verš 12
אשרי הגוי אשר יהוה אלהיו העם בחר לנחלה לו׃
Ž 65:4 - אשרי תבחר ותקרב ישכן חצריך נשבעה בטוב ביתך קדש היכלך׃
Ž 144:15 - אשרי העם שככה לו אשרי העם שיהוה אלהיו׃

Verš 18
הנה עין יהוה אל יראיו למיחלים לחסדו׃
Jób 36:7 - לא יגרע מצדיק עיניו ואת מלכים לכסא וישיבם לנצח ויגבהו׃
Ž 34:15 - עיני יהוה אל צדיקים ואזניו אל שועתם׃
1Pt 3:12 - כי עיני יהוה אל צדיקים ואזניו אל שועתם ופני יהוה בעשי רע׃

Z 33,3 - Novú vari preto, lebo Pán poskytol nové dobrodenia.