Žalmy

Biblia - Sväté písmo

(HEM - Hebrejský - Moderný)

Ž 25, 1-22

1 לדוד אליך יהוה נפשי אשא׃ 2 אלהי בך בטחתי אל אבושה אל יעלצו איבי לי׃ 3 גם כל קויך לא יבשו יבשו הבוגדים ריקם׃ 4 דרכיך יהוה הודיעני ארחותיך למדני׃ 5 הדריכני באמתך ולמדני כי אתה אלהי ישעי אותך קויתי כל היום׃ 6 זכר רחמיך יהוה וחסדיך כי מעולם המה׃ 7 חטאות נעורי ופשעי אל תזכר כחסדך זכר לי אתה למען טובך יהוה׃ 8 טוב וישר יהוה על כן יורה חטאים בדרך׃ 9 ידרך ענוים במשפט וילמד ענוים דרכו׃ 10 כל ארחות יהוה חסד ואמת לנצרי בריתו ועדתיו׃ 11 למען שמך יהוה וסלחת לעוני כי רב הוא׃ 12 מי זה האיש ירא יהוה יורנו בדרך יבחר׃ 13 נפשו בטוב תלין וזרעו יירש ארץ׃ 14 סוד יהוה ליראיו ובריתו להודיעם׃ 15 עיני תמיד אל יהוה כי הוא יוציא מרשת רגלי׃ 16 פנה אלי וחנני כי יחיד ועני אני׃ 17 צרות לבבי הרחיבו ממצוקותי הוציאני׃ 18 ראה עניי ועמלי ושא לכל חטאותי׃ 19 ראה אויבי כי רבו ושנאת חמס שנאוני׃ 20 שמרה נפשי והצילני אל אבוש כי חסיתי בך׃ 21 תם וישר יצרוני כי קויתיך׃ 22 פדה אלהים את ישראל מכל צרותיו׃

Verš 2

אלהי בך בטחתי אל אבושה אל יעלצו איבי לי׃

Ž 22:5 - אליך זעקו ונמלטו בך בטחו ולא בושו׃

Ž 31:1 - למנצח מזמור לדוד בך יהוה חסיתי אל אבושה לעולם בצדקתך פלטני׃

Ž 34:5 - הביטו אליו ונהרו ופניהם אל יחפרו׃

Verš 3

גם כל קויך לא יבשו יבשו הבוגדים ריקם׃

Iz 28:16 - לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

Rim 10:11 - כי הכתוב אמר כל המאמין בו לא יבוש׃

Verš 4

דרכיך יהוה הודיעני ארחותיך למדני׃

Ž 27:11 - הורני יהוה דרכך ונחני בארח מישור למען שוררי׃

Ž 86:11 - הורני יהוה דרכך אהלך באמתך יחד לבבי ליראה שמך׃

Ž 119:1 - אשרי תמימי דרך ההלכים בתורת יהוה׃

Verš 6

זכר רחמיך יהוה וחסדיך כי מעולם המה׃

Ž 103:17 - וחסד יהוה מעולם ועד עולם על יראיו וצדקתו לבני בנים׃

Ž 106:1 - הללויה הודו ליהוה כי טוב כי לעולם חסדו׃

Ž 107:1 - הדו ליהוה כי טוב כי לעולם חסדו׃

Ž 117:2 - כי גבר עלינו חסדו ואמת יהוה לעולם הללו יה׃

Ž 136:1 - הודו ליהוה כי טוב כי לעולם חסדו׃

Jer 33:11 - קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

Z 25 - Žalm je alfabetický, verše sa začínajú jednotlivými písmenami hebrejskej abecedy.